Qytaıdyń Ýhan qalasynda COVID-19 vırýsynan aıyqqandar qaıtadan koronavırýs juqtyrǵan. Bul týraly Qytaıdyń gıgıena jáne densaýlyq saqtaý máseleleri boıynsha memlekettik komıtetiniń qujatynda aıtylady, - dep habarlaıdy "Rossııa-24".
The South China Morning Post málimetinshe, Ýhanda qala bıligi koronavırýstan aıyqqandardyń barlyǵyn qosymsha 14 kúndik karantınge jiberip jatyr.
Dárigerlerdiń aıtýynsha, koronavırýspen aýyryp, biraq keıin jazylyp, aýrýhanadan shyqqandar basqa da adamdardy juqtyrýy múmkin.
Al qytaılyq ǵalymdar koronavırýstyń derttiń eshqandaı belgileri joq adamnan da juǵýy múmkin ekenin aıtady. Olardyń aıtýynsha, bul vırýstyń aldyn alýǵa qıyndyq týǵyzady.
Journal of the American Medical Association basylymynda jarııalanǵan zertteýde Ýhannyń 20 jastaǵy turǵynynyń Anıan qalasyndaǵy bes týysyn juqtyrǵany, biraq ózinde vırýstyń eshqandaı belgileri bolmaǵanyn aıtady.
20 jastaǵy qyz Ýhannan Anıanǵa 10 qańtarda barǵann 23-26 qańtar aralyǵynda otbasynyń bes múshesi - 4 áıel adam men bir er adamda (42-57 jas aralyǵyndaǵy) koronavırýstyń belgileri baıqalǵan. Bireýi aýyr jaǵdaıda aýrýhanaǵa jatqyzylǵan, taǵy ekeýiniń jaǵdaıy aýyr dep baǵalanyp otyr.
Al Ýhannan kelgen qyzdyń dene qyzýy da joǵarylamaǵan, esh jeri aýyrmaǵan. Kompıýterlik tomografııa da eshteńe anyqtamaǵan. Keıin COVID-19 vırýsy otbasynyń barlyq alty múshesinen anyqtalǵan. Ýhannan kelgen qyzdan da anyqtalǵan.
Eske salaıyq, Qytaı bıligi 2019 jyly 31 jeltoqsanda Dúnıejúzilik densaýlyq saqtaý uıymyn Ýhandaǵy belgisiz pnevmonııanyń beleń alýy týraly habardar etti. Mamandar aýrýdyń qozdyrǵyshtaryn anyqtady - bul jańa koronavırýs. Dúnıejúzilik densaýlyq saqtaý uıymy halyqaralyq mańyzy bar tótenshe jaǵdaı dep tanyp, aýrýǵa resmı ataý berdi - COVID-19
tengrinews.kz
