ءار ۇلتتىڭ ءوزىنىڭ ۇلتتىق ەرەكشەلىكتەرى بار. ءبىر ۇلتتى ەكىنشى ۇلتتان دارالاپ تۇراتىن دا سول ءبىز تىلگە تيەك ەتەيىن دەپ وتىرعان باستى ەرەكشەلىك - ۇلتتىق قۇندىلىقتار.
ءتىل، فولكلور، ادەت-عۇرىپ، سالت-سانا، سول ۇلتقا عانا ءتان مەنتاليتەت، ۇلتتىق ونەر، ۇلتتىق تاعام، ۇلتتىق بۇيىم دەپ سانامالاپ، تىزبەكتەسەك ءبىراز دۇنيەنى ۇلتتىق قۇندىلىقتار قاتارىنا قوسىپ شىعۋعا بولادى. وسى قاسيەتتەرىنەن ايىرىلعان حالىقتىڭ قايتادان ۇلت رەتىندە تۇلەپ شىعىپ، جاڭاشا تىرشىلىگىن باستاپ، ەرەكشە قارقىنمەن ءوسىپ كەتۋى مۇمكىن ەمەس نارسە. تاريحتان وسىنداي جايتتاردى باسىنان وتكىزگەن ۇلتتاردىڭ تراگەديالارى تۋرالى نەشە ءتۇرلى اقپاراتتاردى ەستىگەن سايىن ءبىز سىنىپتاستارىمىزبەن ءوز ەلىمىزدەگى جاعدايى سىن كوتەرمەي تۇرعان وسى ماسەلەگە قاتتى الاڭدايمىز. سوسىن مۇعالىمدەرىمىزبەن اقىلداسا كەلە وسى تاقىرىپقا اشىق ساباق وتكىزۋدى ۇيعاردىق. ماسەلەنىڭ باسىن بىردەن اشىپ الۋ ءۇشىن دە ءبىز ارنايى سۇراق جازىلعان بيلەتتەر دايىنداپ، مەكتەپ ىشىندە ساۋالناما جۇرگىزىپ شىقتىق. سونىڭ بارلىعىن ستاتيستيكا كورسەتكىشىمەن الىپ كورسەتتىك. ماقساتىمىز - مەكتەپ جاسىنداعى بالالاردىڭ ياعني، ءوز قاتارلاستارىمىزدىڭ ۇلتتىق قۇندىلىقتارعا دەگەن كوزقاراسىن ءبىلۋ، ءسويتىپ، بەينەروليگىمىزدى جاريالاۋ ارقىلى قوعامعا ءۇن قوسىپ، سەڭ بولىپ سىرەسكەن ورتاعا قوزعاۋ سالۋ. وسىدان كەيىن ۇلتتىق ونەرگە، ۇلتتىق تاربيەگە ميلليونداپ قارجى ءبولىنىپ كەتپەسە دە، وسى كىشكەنتاي عانا ماقالامىز بەن بەينە روليگىمىزگە كوز جۇگىرتىپ وتىرعان اعا، اپالارىمىز ءبىر ءسات ويعا قالىپ، ءوز بويىنان قازاقىلىقتىڭ نىشاندارىن ىزدەي باستاسا ءبىز دىتتەگەنىمىزگە جەتتىك دەپ سانايمىز.
بەينە روليك: {youtube}{/youtube}
دانا حالقىمىز: "جۇمىلا كوتەرگەن جۇك جەڭىل"- دەيدى. ۇلتتىق قۇندىلىقتارىمىزدى كۇشەيتۋ جۇمىسىنا بارلىعىمىز بىرىگىپ ءۇن قوسساق، جاۋھارلارىمىز قايتا جاڭعىرىپ، جاڭارسا، مادەنيەتىمىز دە جوعارى دەڭگەيگە كوتەرىلەر ەدى... اتسالىسايىق اعايىن!
سەرىكباي جانسەرىك،
اباي اتىنداعى قازاق ءتىلى مەن ادەبيەتىن تەرەڭدەتە
وقىتاتىن دارىندى بالالارعا ارنالعان
مەكتەپ-ينتەرناتىنىڭ 9"ب" سىنىپ وقۋشىسى.
