Ulttyq qundylyqtarymyz - jarqyn bolashaqtyń kepili

3701

Ár ulttyń óziniń ulttyq erekshelikteri bar. Bir ultty ekinshi ulttan daralap turatyn da sol biz tilge tıek eteıin dep otyrǵan basty erekshelik - ulttyq qundylyqtar.

Til, folklor, ádet-ǵuryp, salt-sana, sol ultqa ǵana tán mentalıtet, ulttyq óner, ulttyq taǵam, ulttyq buıym dep sanamalap, tizbektesek biraz dúnıeni ulttyq qundylyqtar qataryna qosyp shyǵýǵa bolady. Osy qasıetterinen aıyrylǵan halyqtyń qaıtadan ult retinde túlep shyǵyp, jańasha tirshiligin bastap, erekshe qarqynmen ósip ketýi múmkin emes nárse. Tarıhtan osyndaı jaıttardy basynan ótkizgen ulttardyń tragedııalary týraly neshe túrli aqparattardy estigen saıyn biz synyptastarymyzben óz elimizdegi jaǵdaıy syn kótermeı turǵan osy máselege qatty alańdaımyz. Sosyn muǵalimderimizben aqyldasa kele osy taqyrypqa ashyq sabaq ótkizýdi uıǵardyq. Máseleniń basyn birden ashyp alý úshin de biz arnaıy suraq jazylǵan bıletter daıyndap, mektep ishinde saýalnama júrgizip shyqtyq. Sonyń barlyǵyn statıstıka kórsetkishimen alyp kórsettik. Maqsatymyz - mektep jasyndaǵy balalardyń ıaǵnı, óz qatarlastarymyzdyń ulttyq qundylyqtarǵa degen kózqarasyn bilý, sóıtip, beınerolıgimizdi jarııalaý arqyly qoǵamǵa ún qosyp, seń bolyp siresken ortaǵa qozǵaý salý.  Osydan keıin ulttyq ónerge, ulttyq tárbıege mıllıondap qarjy bólinip ketpese de, osy kishkentaı ǵana maqalamyz ben beıne rolıgimizge kóz júgirtip otyrǵan aǵa, apalarymyz bir sát oıǵa qalyp, óz boıynan qazaqylyqtyń nyshandaryn izdeı bastasa biz dittegenimizge jettik dep sanaımyz.

Beıne rolık: {youtube}

{/youtube}

 

Dana halqymyz: "Jumyla kótergen júk jeńil"- deıdi. Ulttyq qundylyqtarymyzdy kúsheıtý jumysyna barlyǵymyz birigip ún qossaq, jaýharlarymyz qaıta jańǵyryp, jańarsa, mádenıetimiz de joǵary deńgeıge kóteriler edi... Atsalysaıyq aǵaıyn!


 Serikbaı JANSERIK,

Abaı atyndaǵy qazaq tili men ádebıetin tereńdete

oqytatyn daryndy balalarǵa arnalǵan

mektep-ınternatynyń 9"b" synyp oqýshysy.

 

 

Pikirler
Redakııa tańdaýy