فەيسبۋك الەۋمەتتىك جەلىسىندە بەكبەي بەك ەسىمدى ازامات بۇگىن زايساندا كوروناۆيرۋسكە بايلانىستى ءجۇرتتىڭ دۇرلىگىپ كەتكەنى تۋرالى جازىپ اقپارات قالدىرعان. ول ءوز جازباسىندا بىلاي دەيدى:
زايسان اۋدانىنىڭ سارىتەرەك اۋىلىنىڭ تۇرعىندارى بۇگىن 19.02.2020 ساعات 15:00 نارازىلىقپەن اۋىلدىڭ امبۋلاتورياسىنىڭ الدىنا جينالدى. بۇكىل ءبىر اۋىلدىڭ تۇرعىندارى نارازىلىقا جينالدى. اۋىلدىڭ تۇرعىندارىن ەش ەسكەرتۋسىز اۋداندىق اۋرۋحانانىڭ باس دارىگەرى مەن ونىڭ ورىنباسارلارى "مىناۋ بۇيرىق" دەپ ءبىر جاپىراق قاعازبەن ەرتەڭ تاڭەرتەڭ قازاقستان مەن قىتاي مەملەكەتىنىڭ مايقاپشاعاي شەكارا بەكەتىنەن اۆتوبۋسپەن قىتايدان بەرى كەلگەن جولاۋشىلاردى قىتايداعى اتى شۋلى كورانوۆيرۋسقا بايلانىستى قىتايدان كەلگەن ادامداردى 14 كۇنگە زايسانداعى سارىتەرەك اۋىلدىق امبۋلاتورياسىنا جاتقىزىپ باقىلاۋ جاساماق ەكەن. ال اۋىلدىق امبۋلاتورياسىن اۋىلدىق مادەنيەت ۇيىنە كوشىرمەك . امبۋلاتورياعا شەكارادان كىرگەن جولاۋشىلاردى جاتقىزباق.
اۋىلدىڭ امبۋلاتورياسىنا توسەكتەردى كىرگىزىپ تاستاپتى، اۋىل حالىقتى اۋدان بيلىگى، جاۋاپتى مەكەمەلەر قۇلاقتاندىرۋ جۇمىسىن جۇرگىزبەگەنىنە، اۋىل حالقى شۋلاپ، اۋىل اقساقالدارى ء"بىزدى ادام ساناپ وتىرعان جوقسىڭدار" دەپ اۋدان اكىمدىگى اۋدان اكىمى س.اقتانوۆتىڭ كەلۋىن تالاپ ەتتى.
ەكى ساعات كۇتكەن حالىققا اۋدان بيلىگىنەن بىردە- ءبىر شەنەۋنىك كەلمەدى. قىتايدا الەم نازارىن تىگىپ، وزگە مەملەكەتتەر شەكارا بەكەتىن جاۋىپ جاتسا مىناۋ قانداي ارەكەت؟!
مۇنداي جاعداي دا ساقتىق كەرەك بولسا، نەگە اۋىل ىشىنە اكەلىپ وتىر؟! حالىق وسىعان نارازى. بۇدان بولەك زايسان اۋدانىندا اينابۇلاق اۋىلىندا اۋىلدىڭ امبۋلاتورياسىنا شەكارادان وتكەن جولاۋشىلاردى اپارادى ەكەن. ونى اۋداننىڭ باس دارىگەرى ايتتى. مىنە، قازىر ساعات تۇنگى 21:00 سارىتەرەك اۋىلىنىڭ تۇرعىندارى اۋىلدىڭ امبۋلاتورياسىنىڭ الدىندا ءجۇر ءالى اۋدان اكىمدىگىنەن ءتىرى پاندە كەلگەن جوق. حالىق "بۇل كەلەتىن جولاۋشىلار قاۋىپتى بولماسا، بار جاعدايى جاسالعان اۋداندىق اۋرۋحانانىڭ جانىندا جۇقپالى اۋرۋ بولىمىنە (ينفەكتسيوننىي) جاتقىزباي ما، ول جەردەن ارنايى ماماندار، قاجەتتى جابدىقتارىمەن قامتىلعان" دەگەن تۇرعىنداردىڭ سۇراقتارى قارشا بورادى. اۋىل تۇرعىندارى ءالى باسىلار ەمەس.
قاراتالعا ءبىرىنشى قويامىز دەگەن ولارداعى 20 توسەكتى بىزگە تۋستەن كەيىن اكەلىپ وتىر. سەبەبى كەشە ياگني 18 اقپان كۇنى ساعات كەشكى بەستە وبلىستىك سەس- ءتىڭ ورىنباسارى لي دەگەن كورەي كەلىپ قاراتالدىڭ امبۋلاتورياسىندا سۋ جوق، دارەتحانا جوق سودان ول توسەكتەردى كەشكى 16:00-دە بىزگە اكەلدى.
قولداعى اقپاراتپەن بولىسەيىن!
زايسان اۋدانى، اينابۇلاق اۋىلىندا"قىتايدان كەلگەندەردى اۋىل-اۋىلداعى مەدپۋنكتەرگە ورنالاستىرادى!" - دەگەندى ەستىگەن اۋىل تۇرعىندارى اۋدان باسشىلىعىنىڭ مۇنداي شەشىمىنە قارسى.
دۇرلىككەن جۇرت: "كەش قالمايىق، تۇنىمەن اكەپ كىرگىزىپ جىبەرمەسىن! بىزگە ەسكەرتۋسىز، حالىقپەن نەگە ساناسپايدى!" - دەپ ءوز نارازىلىعىن بىلدىرۋدە.
"ادىرنا" ۇلتتىق پورتالى
