Feısbýk áleýmettik jelisinde Bekbeı Bek esimdi azamat búgin Zaısanda koronavırýske baılanysty júrttyń dúrligip ketkeni týraly jazyp aqparat qaldyrǵan. Ol óz jazbasynda bylaı deıdi:
Zaısan aýdanynyń Saryterek aýylynyń turǵyndary búgin 19.02.2020 saǵat 15:00 narazylyqpen aýyldyń ambýlatorııasynyń aldyna jınaldy. Búkil bir aýyldyń turǵyndary narazylyqa jınaldy. Aýyldyń turǵyndaryn esh eskertýsiz aýdandyq aýrýhananyń bas dárigeri men onyń orynbasarlary "mynaý buıryq" dep bir japyraq qaǵazben erteń tańerteń Qazaqstan men Qytaı memleketiniń Maıqapshaǵaı shekara beketinen avtobýspen Qytaıdan beri kelgen jolaýshylardy Qytaıdaǵy aty shýly koranovırýsqa baılanysty Qytaıdan kelgen adamdardy 14 kúnge Zaısandaǵy Saryterek aýyldyq ambýlatorııasyna jatqyzyp baqylaý jasamaq eken. Al aýyldyq ambýlatorııasyn aýyldyq mádenıet úıine kóshirmek . Ambýlatorııaǵa shekaradan kirgen jolaýshylardy jatqyzbaq.
Aýyldyń ambýlatorııasyna tósekterdi kirgizip tastapty, aýyl halyqty aýdan bıligi, jaýapty mekemeler qulaqtandyrý jumysyn júrgizbegenine, aýyl halqy shýlap, aýyl aqsaqaldary "bizdi adam sanap otyrǵan joqsyńdar" dep aýdan ákimdigi aýdan ákimi S.Aqtanovtyń kelýin talap etti.
Eki saǵat kútken halyqqa aýdan bıliginen birde- bir sheneýnik kelmedi. Qytaıda álem nazaryn tigip, ózge memleketter shekara beketin jaýyp jatsa mynaý qandaı áreket?!
Mundaı jaǵdaı da saqtyq kerek bolsa, nege aýyl ishine ákelip otyr?! Halyq osyǵan narazy. Budan bólek Zaısan aýdanynda Aınabulaq aýylynda aýyldyń ambýlatorııasyna shekaradan ótken jolaýshylardy aparady eken. Ony aýdannyń bas dárigeri aıtty. Mine, qazir saǵat túngi 21:00 Saryterek aýylynyń turǵyndary aýyldyń ambýlatorııasynyń aldynda júr áli aýdan ákimdiginen tiri pánde kelgen joq. Halyq "bul keletin jolaýshylar qaýipti bolmasa, bar jaǵdaıy jasalǵan aýdandyq aýrýhananyń janynda juqpaly aýrý bólimine (ınfekıonnyı) jatqyzbaı ma, ol jerden arnaıy mamandar, qajetti jabdyqtarymen qamtylǵan" degen turǵyndardyń suraqtary qarsha borady. Aýyl turǵyndary áli basylar emes.
Qaratalǵa birinshi qoıamyz degen olardaǵy 20 tósekti bizge týsten keıin ákelip otyr. Sebebi keshe ıagnı 18 aqpan kúni saǵat keshki beste oblystyk SES- tiń orynbasary Lı degen koreı kelip Qarataldyń ambýlatorııasynda sý joq, dárethana joq sodan ol tósekterdi keshki 16:00-de bizge ákeldi.
Qoldaǵy aqparatpen bóliseıin!
Zaısan aýdany, Aınabulaq aýylynda"qytaıdan kelgenderdi aýyl-aýyldaǵy medpýnkterge ornalastyrady!" - degendi estigen aýyl turǵyndary aýdan basshylyǵynyń mundaı sheshimine qarsy.
dúrlikken jurt: "kesh qalmaıyq, túnimen ákep kirgizip jibermesin! bizge eskertýsiz, halyqpen nege sanaspaıdy!" - dep óz narazylyǵyn bildirýde.
"Adyrna" ulttyq portaly
