نە بارى 8 جەكپە-جەك وتكىزىپ، ونىڭ بارىندە جەڭىسكە جەتكەن، الەمنىڭ ۇزدىك بەستىگىندە نىق تۇرعان قازاقستاندىق كاسىپقوي بوكسشى جانىبەك ءالىمحانۇلى كومانداسىنا دەمەۋشى ىزدەپ جاتىر. بۇل تۋرالى ءوزىنىڭ facebook الەۋمەتتىك جەلىسىندەگى پاراقشاسىندا جازدى، دەپ حابارلايدى adyrna.kz.
ء"بىزدىڭ ەلدە قازىر سپورتشىلاردى قولدايتىن، سولارعا دەمەۋشىلىك جاسايتىن كاسىپكەر اعالار جەتەرلىك. سولاردىڭ كومەگىمەن ءبىراز سپورتشى الاڭسىز جاتتىعۋ جاساپ، شىڭدالىپ، شىمىرلانۋدا. تۋدى جەلبىرەتىپ، نامىستى قورعاپ جاتىر.
ءبىز امەريكاعا دەمەۋشىسىز كەلىپ، ءوز كۇشىمىزبەن ءبىراز تىرلىك جاساپ جۇرگەنىمىزدى وسىنداعى اعايىن، بوكس جانكۇيەرلەرى وتە جاقسى بىلەدى. ءدال قازىر ءبىزدىڭ كومانداعا دەمەۋشىلىك جاساپ وتىرعان ەشكىم جوق. فۋتبولكا مەن شورتىداعى لوگوتيپ قوياتىن جەرلەر بوپ-بوس😎
بيىلعى جاتتىعۋ شىعىندارى ءوزىمىز ويلاعاننان دا ءسال كوبىرەك بولىپ، وسى پوستتى جازىپ وتىرمىز. ولاي بولۋى دا زاڭدى. سەبەبى ءار جەكپە-جەك سايىن ءوسىپ جاتىرمىز. ءوسۋ ءۇشىن مىقتى ماماندارمەن جۇمىس ىستەۋىمىز كەرەك", دەدى.
سونىمەن قاتار ول: ء"بىز الەم تانيتىن كوماندا بولۋ جولىندا كەلە جاتىرمىز. بار جوعى 8 جەكپە-جەكپەن الەمنىڭ ۇزدىك بەستىگىندەمىز. بيىل ءبىز ءۇشىن وتە ماڭىزدى جىل. چەمپيوندىق جىل. جارقىرايتىن جىل. ءبىزدىڭ كوماندامەن بىرگە بولىپ، دەمەۋشىلىك جاساپ، قولدايمىن دەيتىن دەمەۋشى ىزدەپ جاتىرمىز. قازاق ءستيلىن الەمگە تانىتۋ جولىندا بىرگە ەڭبەك ەتۋگە دايىنبىز. سۇراقتار بولسا جەكەگە جازساڭىزدار بولادى. teamjanibek@gmail.com پوشتاسى دا جۇمىس ىستەپ تۇر", دەپ جازدى.
