Ne bary 8 jekpe-jek ótkizip, onyń bárinde jeńiske jetken, álemniń úzdik bestiginde nyq turǵan qazaqstandyq kásipqoı boksshy Jánibek Álimhanuly komandasyna demeýshi izdep jatyr. Bul týraly óziniń facebook áleýmettik jelisindegi paraqshasynda jazdy, dep habarlaıdy adyrna.kz.
"Bizdiń elde qazir sportshylardy qoldaıtyn, solarǵa demeýshilik jasaıtyn kásipker aǵalar jeterlik. Solardyń kómegimen biraz sportshy alańsyz jattyǵý jasap, shyńdalyp, shymyrlanýda. Týdy jelbiretip, namysty qorǵap jatyr.
Biz Amerıkaǵa demeýshisiz kelip, óz kúshimizben biraz tirlik jasap júrgenimizdi osyndaǵy aǵaıyn, boks jankúıerleri óte jaqsy biledi. Dál qazir bizdiń komandaǵa demeýshilik jasap otyrǵan eshkim joq. Fýtbolka men shortydaǵy logotıp qoıatyn jerler bop-bos😎
Bıylǵy jattyǵý shyǵyndary ózimiz oılaǵannan da sál kóbirek bolyp, osy postty jazyp otyrmyz. Olaı bolýy da zańdy. Sebebi ár jekpe-jek saıyn ósip jatyrmyz. Ósý úshin myqty mamandarmen jumys isteýimiz kerek", dedi.
Sonymen qatar ol: "Biz álem tanıtyn komanda bolý jolynda kele jatyrmyz. Bar joǵy 8 jekpe-jekpen álemniń úzdik bestigindemiz. Bıyl biz úshin óte mańyzdy jyl. Chempıondyq jyl. Jarqyraıtyn jyl. Bizdiń komandamen birge bolyp, demeýshilik jasap, qoldaımyn deıtin demeýshi izdep jatyrmyz. Qazaq stılin álemge tanytý jolynda birge eńbek etýge daıynbyz. Suraqtar bolsa jekege jazsańyzdar bolady. teamjanibek@gmail.com poshtasy da jumys istep tur", dep jazdy.
