اقش-تا جۇرگەندە ءىرى قالانىڭ ورتالىعىنا جۇمىسقا عانا كەلەتىن، كوپ حالىق ورتالىقتان 15-20 كم قالاشىقتاردا تۇراتىنىن كورىپ تاڭ قالۋشى ەدىم. بارلىق كوممۋنيكاتسيا بار. مەترو، سۋ، گاز، قالانىڭ ىشىندەگى سۋپەرماركەتتەرگە دەيىن ورلاسقان.
بىزدەگى ءىرى قالالارداعى حالىقتىڭ باسپانا ماسەلەسىن شەشپەي جاعداي ارمەن قاراي قيىنداي بەرەدى. استانا، الماتى، شىمكەنت سىندى مەگاپوليستەر ءبىرىنشى كەزەكتە تۇر. استانادان قورعالجىن باعىتىندا شىقساڭىز ميداي دالا بوس جاتىر. سۋىن، جارىعىن، جولى مەن مەكتەبىن، اۋرۋحاناسىن سالىپ، سول جەردەن ءاربىر ءۇيى جوق ازاماتقا 10 سوتتىق جەر تەگىن بەرىپ، سالعان ءۇيدىڭ اقىسىن 2-3%-پەن 15-20 جىلدا تولەيتىن جاعداي جاساسا قازاقستاندا باسپاناسىز قازاق قالدىرماۋعا بولادى. قاراپايىم مىسال 15-20 مىڭ حالىق تۇراتىن استانادان 15-20 كم جەردەن 3-4 قالا تەكتەس اۋىلدار سالىپ، ۇيسىزدەرگە تەگىن جەر بەرىپ، تاۋنحاۋستار، جەر ۇيلەر تۇرعىزىپ، 2-3%-تەن اسىرماساڭ باسپانا ماسەلەسى حالىققا ارزان ءارى ءتيىمدى شەشىلەدى.
الماتىدا قىس مەزگىلى 2-3 ايدان اسپايدى، شىمكەنتتە 1 اي قىس بولسا بولدى، بولماسا ول دا جوق. كليمات جايلى. بۇل مەگاپوليستەردە حالىقتىڭ كوبى جەر ۇيگە قۇمار. قالادان 10-15 كم جەردەن 10 سوتتىق جەرىن تەگىن بەرسەڭ ءوزى-اق ءۇي سالىپ الادى.
ەگەر الەۋمەتتىك سالادا باسپانا ماسەلەسى شەشىلسە حالىقتىڭ باسىم بولىگىنىڭ قولداۋىن الۋعا بولادى. ماعان تۇسىنىكسىز وسىنداي قاراپايىم شەشىمدەردىڭ نەگە ءبىزدىڭ ەلدە جاسالمايتىنى. جەر جوق دەيتىن سينگاپۋر ەمەسپىز، اقشا جوق دەيتىن انگولا ەمەسپىز وسىنى ىسكە اسىرۋ سونشالىقتى قيىن دەپ ويلامايمىن قازاقستاننىڭ بايلىعىمەن. استانانىڭ اينالاسىنان 3-4 قالا تەكتەس اۋىلداردى سالىپ، بارلىق كوممۋنيكاتسياسىن تارتىپ بەرۋ قازاقستانعا قيىن؟! مەن ءۇشىن بۇل پارادوكس بولار ەدى. ەگەر وسىعان شامامىز جەتپەسە وندا شىنىندا رەسۋرستى تەڭ بولەر مەنەدجمەنت، باسقارۋ "نە تو" دەگەن ءسوز ءبىزدىڭ ەلدە. بۇعان مەملەكەتتىڭ شاماسى جەتپەيدى دەگەنگە ەلدى سەندىرۋ دە پاردوكس. ءبىز 18 ملن حالىق، ءبىر ستامبۋلمىز! جەرى كەڭ قازاقستاندا 10 سوتتىق جەرى جوق قازاق. ەتو نەنورمالنو! مۇنداي ادىلەتسىزدىكتەن اشىنعان حالىق "ح" ساعاتتا مەملەكەتتى قورعامايدى. بۇل اكسيوما.
باۋىرجان سەرىكباي
