ماڭعىستاۋ وبلىسى مۇنايلى اۋدانى باتىر اۋىلىندا ءبۇتىن ءبىر وتباسى گازدان ۋلانىپ قالدى. ءۇش بالا مەن ولاردىڭ اناسى قازا بولدى، وتاعاسى مەن تاعى ءبىر بالا اۋرۋحاناعا جەتكىزىلدى، - دەپ حابارلايدى "ادىرنا" پورتالى قازاقپاراتقا سىلتەمە جاساپ.
وقيعا كەشە، 13 اقپان كۇنى استانا-2 كوشەسىندەگى ۇيدە بولعان. وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە، جەدەل-جاردەم قىزمەتىنە حابارلاما ساعات 17:42-دە تۇسكەن.
«وقيعا ورنىنا 3 جەدەل-جاردەم بريگاداسى جىبەرىلدى. ولارعا «گازدان ۋلانۋ» دياگنوزى قويىلدى. اناسى 39 جاستا، بالالار 14, 13 جانە 2 جاستا. وكىنىشكە قاراي، جەدەل-جاردەم قىزمەتى بار كەزدە ولاردىڭ كوز جۇمعانى انىقتالدى»، - دەلىنگەن اقپاراتتا.
43 جاستاعى وتاعاسى مەن 9 جاستاعى بالا وبلىستىق اۋرۋحاناعا جەتكىزىلگەن. «قازىر ەر ادام جانساقتاۋ بولىمىندە اۋىر حالدە جاتىر. ال 2011 جىلى تۋعان ۇلى ماڭعىستاۋ وبلىستىق كوپبەيىندى بالالار اۋرۋحاناسىنا جاتىر. جاعدايى – تۇراقتى، اۋىر اسقىنۋلار جوق. ەسى انىق، گەموديناميكالىق كورسەتكىشتەرى تۇراقتى»، - دەدى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەت