Mańǵystaý oblysy Munaıly aýdany Batyr aýylynda bútin bir otbasy gazdan ýlanyp qaldy. Úsh bala men olardyń anasy qaza boldy, otaǵasy men taǵy bir bala aýrýhanaǵa jetkizildi, - dep habarlaıdy "Adyrna" portaly QazAqparatqa silteme jasap.
Oqıǵa keshe, 13 aqpan kúni Astana-2 kóshesindegi úıde bolǵan. Oblystyq densaýlyq saqtaý basqarmasy baspasóz qyzmetiniń málimetinshe, jedel-járdem qyzmetine habarlama saǵat 17:42-de túsken.
«Oqıǵa ornyna 3 jedel-járdem brıgadasy jiberildi. Olarǵa «gazdan ýlaný» dıagnozy qoıyldy. Anasy 39 jasta, balalar 14, 13 jáne 2 jasta. Ókinishke qaraı, jedel-járdem qyzmeti bar kezde olardyń kóz jumǵany anyqtaldy», - delingen aqparatta.
43 jastaǵy otaǵasy men 9 jastaǵy bala oblystyq aýrýhanaǵa jetkizilgen. «Qazir er adam jansaqtaý bóliminde aýyr halde jatyr. Al 2011 jyly týǵan uly Mańǵystaý oblystyq kópbeıindi balalar aýrýhanasyna jatyr. Jaǵdaıy – turaqty, aýyr asqynýlar joq. Esi anyq, gemodınamıkalyq kórsetkishteri turaqty», - dedi oblystyq densaýlyq saqtaý basqarmasynyń baspasóz qyzmet
