"وزگەلەردىڭ مۇلكىن توناپ، ولاردىڭ ومىرىنە قاۋىپ توندىرگەن ازاماتتار ەشقاشان حالقىمىزدىڭ پاتريوتى بولا المايدى. ونداي ادامدار - زاڭدى ورەسكەل بۇزعان قىلمىسكەرلەر. ولار زاڭ الدىندا جاۋاپ بەرۋى ءتيىس", - دەدى مەملەكەت باسشىسى رەسپۋبليكالىق ۆولونتەرلىك فرونت-ءوفيستىڭ اشىلۋىندا.
ايتا كەتەيىك، بۇگىن نۇر-سۇلتان قالاسىندا ۆولونتەر جىلى اياسىندا قازاقستان پرەزيدەنتى قاسىم-جومارت توقاەۆ BIRGEMIZ رەسپۋبليكالىق ۆولونتەردىڭ فرونت-وفيسىن رەسمي تۇردە ىسكە قوستى. فرونت-وفيس ۆولونتەرلەر ءۇشىن كەڭەس بەرۋ، ادىستەمەلىك، وقىتۋ، اقپارات بەرۋ قىزمەتىن اتقارادى.
رەسمي شارا EXPO كورمەسىنىڭ Art Hub پاۆيلونىندا ءوتىپ جاتىر.
سونداي-اق فرونت-وفيستىڭ اشىلۋى بارىسىندا qazvolunteer.kz ونلاين پلاتفورماسىنىڭ جۇمىسى جانە ۆولونتەرلەرگە ارنالعان Bilim, Qamqor, Úmit, Sabaqtastyq, Taza Álem جانە Saulyq جوبالارى تانىستىرىلدى. ولاردى جۇزەگە اسىرۋ ءۇشىن الداعى ۋاقىتتا شاعىن گرانتتار ءبولۋ ماسەلەسى قاراستىرىلىپ جاتىر.
