Toqaev: Ózgelerdiń ómirine qaýip tóndirgender patrıot emes

4453

Qazaqstan prezıdenti Qasym-Jomart Toqaev qandaı adamdardyń patrıot bola almaıtynyn málimdedi, dep habarlaıdy Tengrinews.kz tilshisi.

"Ózgelerdiń múlkin tonap, olardyń ómirine qaýip tóndirgen azamattar eshqashan halqymyzdyń patrıoty bola almaıdy. Ondaı adamdar - zańdy óreskel buzǵan qylmyskerler. Olar zań aldynda jaýap berýi tıis", - dedi memleket basshysy respýblıkalyq volonterlik front-ofıstiń ashylýynda.

Aıta keteıik, búgin Nur-Sultan qalasynda Volonter jyly aıasynda Qazaqstan prezıdenti Qasym-Jomart Toqaev BIRGEMIZ respýblıkalyq volonterdiń front-ofısyn resmı túrde iske qosty. Front-ofıs volonterler úshin keńes berý, ádistemelik, oqytý, aqparat berý qyzmetin atqarady.

Resmı shara EXPO kórmesiniń Art Hub pavılonynda ótip jatyr.

Sondaı-aq front-ofıstyń ashylýy barysynda qazvolunteer.kz onlaın platformasynyń jumysy jáne volonterlerge arnalǵan Bilim, Qamqor, Úmit, Sabaqtastyq, Taza Álem jáne Saulyq jobalary tanystyryldy. Olardy júzege asyrý úshin aldaǵy ýaqytta shaǵyn granttar bólý máselesi qarastyrylyp jatyr.

Pikirler
Redakııa tańdaýy