قازاقستاننىڭ ىشكى ىستەر مينيسترلىگىنىڭ وكىلدەرى جامبىل وبلىسى قورداي اۋدانىنداعى تارتىپسىزدىكتەر سالدارىنان قازا بولعانداردىڭ اراسىندا ماسانچيگە باسقا اۋىلدان كەلگەن ءبىر ادام بولعانىن راستادى، - دەپ حابارلايدى Tengrinews.kz تىلشىسى.
"دارحان ءابدىراحىم تۋرالى نە بىلەمىز؟ ول - قازاق. وسى كۇنگە دەيىن تۋعان-تۋىستارى ونىڭ قايتىس بولعانى تۋرالى حابار العان جوق. دارحان جەكە تاسىمالداۋمەن اينالىسقان. ونىڭ قۇجاتتارى ماشينادا بولعان. قاقتىعىس بولعان تۇندە ول ماسانچيگە اۋداننىڭ باسقا تۇرعىندارى سياقتى كومەككە بارعان. جىگىت 25 جاستا ەدى. ول قان-جوسا بولىپ جاتقان جەرىنەن تابىلعان. (...) ماشينا بۇلىنگەن، قۇجاتتار جوعالعان. ول وتباسىندا جالعىز بالا ەدى. ونىڭ ارتىندا ءۇش بالاسى قالدى. كولىگىن كرەديتكە العان. جەرگىلىكتى اتقارۋشى ورگانداردان قايتىس بولعان ادامنىڭ اتا-اناسىنا ءالى ەشكىم بارعان جوق. جۋرناليستەر دە بولعان جوق. وتكەن كۇننەن بەرى قازا تاپقان جاس جىگىتتەردىڭ ەسىمى تارالدى. نەگە دارحان تۋرالى مالىمەت بەلگىسىز؟", - دەپ جازدى ازامات ەرعالي Facebook-تە.
ءىىم ءباسپاسوز قىزمەتىندەگىلەر دارحان ءابدىراحىمنىڭ قازا تاپقان 10 ادامنىڭ ىشىندە بارىن راستادى.
ء"يا، ول (دارحان ءابدىراحىم) قازا تاپقان 10 ادامنىڭ ىشىندە بار", - دەدى ءباسپاسوز قىزمەتىندەگىلەر.
بۇعان دەيىن ماسانچي اۋىلىنداعى تارتىپسىزدىكتە قازا تاپقان 8 ادامنىڭ ءتىزىمى جاريالانعان ەدى.
ەسكە سالايىق، 7 اقپاندا جامبىل وبلىسى قورداي اۋدانى ماسانچي اۋىلىندا تۇرعىندار اراسىندا جاپپاي توبەلەس بولدى. وقيعا سالدارىنان 8 ادام قازا تاپتى. مەديتسينالىق مەكەمەلەرگە 137 ادام كومەك سۇراپ كەلدى.
