"جالپى ايەلدەردىڭ ءومىر ءسۇرۋ ۇزاقتىعى 74 جاستى قۇرايدى. ايەلدەر ەرلەرگە قاراعاندا 7,7 جاسقا ۇزاعىراق (66,33 جاس) ءومىر سۇرەدى", - دەدى اجار عينيات.
سونىمەن قاتار ول قازاقستاندا 10 ملن. استام ايەل، 4 ملن. استام بالا تۋ جاسىنداعى ايەل جانە 18 جاسقا دەيىنگى 3 ملن. استام قىز بالا تۇراتىنىن اتاپ ءوتتى.
ايتا كەتەيىك، مينيستر بۇعان دەيىن قازاقستان ايەلدەرى كوبىنە تىنىس الۋ اعزالارىنىڭ اۋرۋلارىمەن اۋىراتىنىن حابارلاعان ەدى. ءمينيستردىڭ ايتۋىنشا، بۇكىل الەمدە ينفەكتسيالىق ەمەس اۋرۋلار ايەلدەر ءولىم-ءجىتىمىنىڭ نەگىزگى سەبەبى بولىپ وتىر. قازاقستان بويىنشا اۋرۋشاڭدىق ءبىر جىلدا 4% ءوستى (100 مىڭ حالىققا شاققاندا 50 مىڭنان استام ادام).
سونىمەن قاتار اجار عينيات رەپرودۋكتيۆتى دەنساۋلىعىنىڭ ەرەكشەلىكتەرىنە بايلانىستى ايەلدەر ەرلەرگە قاراعاندا ءجيى اۋىراتىنىن جانە مەديتسينا قىزمەتىن كوپ پايدالاناتىنىن ايتتى.
"ادىرنا" ۇلتتىق پورتالى
