بەكزات ساتتارحانوۆ - قازاقتىڭ ماڭدايىنا سيماي كەتكەن باعى. نەبارى 20 جاسىندا قازاقستان قورجىنىنا سيدنەي وليمپياداسىنان التىن مەدال سىيلاعان بولاتىن. حابار تەلەارناسىنىڭ تاپسىرىسىمەن "بەكزات" كوركەم ءفيلمى جارىق كوردى.رەجيسسەرى - مۇرات بيدوسوۆ،ستسەناريىن جازعان - سەرجان زاكەرۇلى، باستى ءرولدى سومداعان جاس اكتەر - سامات ازىمقۇلوۆ. فيلمدە بەكزات ساتتارحانوۆتىڭ التىن جەڭىسكە قول جەتكىزگەنگە دەيىنگى قيىن ءومىرى باياندالادى. ءفيلمدى كورىپ وتىرعان ساتتە بوكسشىنىڭ بويىنداعى قايتپاس-قايسار مىنەزدى بايقاي الاسىڭ. ەلدىڭ ارمانىن ارقالاپ، مەملەكەتتىڭ تۋىن كوتەرىپ ءانۇرانىن قانشاما ۇلت وكىلدەرىنىڭ اراسىندا شىرقاتىپ جاتقان ساتتەگى اكە قۋانىشىن سوزبەن سۋرەتتەۋ مۇمكىن ەمەس. ءدال سول اكە وسيەتى بالانى ۇلكەن جەتىستىككە جەتكىزگەنى ايدان انىق. بەكزات رينگتە جۇرگەندە اكەسىنىڭ "بالام، باستاعان ءىسىڭدى اياعىنا دەيىن جەتكىز!" دەگەن ءسوزى ەسىنە ءتۇسىپ، ونىڭ رۋحىن كوتەردى، ارىستانداي ايباتتىلىعىن وياتىپ ۇلكەن ۇلى جەڭىسكە ۇمتىلدىردى.
بەكزاتتىڭ جاستىق شاعى 90-شى جىلدارداعى نارىق كەزەڭىمەن تۇسپا-تۇس كەلەدى. سونىڭ وزىندە ەشقانداي قيىندىققا قاراماي العا قادام باستى، تاباندىلىقپەن تالپىنا بەردى. ول ءوزى ءۇشىن عانا ەمەس، ءالسىز ادامدار ءۇشىن دە كۇرەسە ءبىلدى،قولىنان كەلگەنشە ولارعا قورعان بولدى. بەكزاتتىڭ العاشقى باپكەرى ونىڭ بويىنداعى قابىلەتىن بىردەن بايقادى. بىراق، جەتىستىكتىڭ 10 پايىزى عانا تالانت، قالعان 90 پايىزى ەڭبەكتەن تۇراتىنى بەلگىلى. وسىنداي تىنىمسىز ەڭبەكتىڭ ارقاسىندا جاس جولبارىس وليمپيادا چەمپيونى اتاندى.
شىركىن، بالكىم دوستارىن ەمەس، وتباسىن تىڭداعاندا مۇنداي قايعىلى جاعداي بولماس پا ەدى. اناسىنىڭ :"سول كەزدە بالامدى ۇستاپ قالا الماعانىما قاتتى وكىنەمىن" دەگەن ءسوزى انا جۇرەگىندەگى ورنى تولماس وكىنىشتى بىلدىرەدى. قازاق حالقىندا ۇلكەننىڭ ءسوزىن جەرگە تاستاماۋ -قاستەرلى ۇعىم، ومىرلىك پارىز. انا جۇرەگى ءبارىن سەزەدى عوي. بىراق، بۇل ەشكىم كۇتپەگەن توسىن وقيعا ەدى. 2000 جىلى 20 جاسىندا بەكزات ساتتارحانوۆ جول اپاتىنان قازا بولدى." مەنىڭ جەڭىسىم - قازاقتىڭ جەڭىسى!" دەگەنى جاسىنداي جارق ەتكەن عۇمىرىنىڭ سوڭعى اماناتى بولعان ەكەن. وسى وقيعادان عۇمىرلىق وي ءتۇيۋ، ومىرلىك ساباق الۋ - ءاربىر قازاق وتباسى ءۇشىن، ءاربىر اتا – انا مەن ءاربىر پەرزەنت ءۇشىن ۇلكەن جاۋاپكەرشىلىك، كوكەيتەستى ماسەلە.بۇل ءفيلمدى كورۋ ارقىلى ءسىز ىزگى اسەر الاسىز. ەندەشە، ۋاقىت تارتۋ ەتكەن ىزگىلىكتەن قۇر الاقان قالماڭىز!
الماتى قالاسى، الاتاۋ اۋدانى
№169 مەكتەپ-ليتسەيىنىڭ
10- "ا" سىنىپ وقۋشىسى،
رىسباي ەرنۇر.
عىلىمي جەتەكشىسى: ءال-فارابي اتىنداعى قازۇۋ دوتسەنتى ابدىجادىلقىزى جيدەگۇل
