Bekzat Sattarhanov - qazaqtyń mańdaıyna sımaı ketken baǵy. Nebári 20 jasynda Qazaqstan qorjynyna Sıdneı olımpıadasynan altyn medal syılaǵan bolatyn. Habar telearnasynyń tapsyrysymen "Bekzat" kórkem fılmi jaryq kórdi.Rejısseri - Murat Bıdosov,senarııin jazǵan - Serjan Zakeruly, basty róldi somdaǵan jas akter - Samat Ázimqulov. Fılmde Bekzat Sattarhanovtyń altyn jeńiske qol jetkizgenge deıingi qıyn ómiri baıandalady. Fılmdi kórip otyrǵan sátte boksshynyń boıyndaǵy qaıtpas-qaısar minezdi baıqaı alasyń. Eldiń armanyn arqalap, memlekettiń týyn kóterip ánuranyn qanshama ult ókilderiniń arasynda shyrqatyp jatqan sáttegi áke qýanyshyn sózben sýretteý múmkin emes. Dál sol áke ósıeti balany úlken jetistikke jetkizgeni aıdan anyq. Bekzat rıngte júrgende ákesiniń "Balam, bastaǵan isińdi aıaǵyna deıin jetkiz!" degen sózi esine túsip, onyń rýhyn kóterdi, arystandaı aıbattylyǵyn oıatyp úlken uly jeńiske umtyldyrdy.
Bekzattyń jastyq shaǵy 90-shy jyldardaǵy naryq kezeńimen tuspa-tus keledi. Sonyń ózinde eshqandaı qıyndyqqa qaramaı alǵa qadam basty, tabandylyqpen talpyna berdi. Ol ózi úshin ǵana emes, álsiz adamdar úshin de kúrese bildi,qolynan kelgenshe olarǵa qorǵan boldy. Bekzattyń alǵashqy bapkeri onyń boıyndaǵy qabiletin birden baıqady. Biraq, jetistiktiń 10 paıyzy ǵana talant, qalǵan 90 paıyzy eńbekten turatyny belgili. Osyndaı tynymsyz eńbektiń arqasynda jas jolbarys olımpıada chempıony atandy.
Shirkin, bálkim dostaryn emes, otbasyn tyńdaǵanda mundaı qaıǵyly jaǵdaı bolmas pa edi. Anasynyń :"Sol kezde balamdy ustap qala almaǵanyma qatty ókinemin" degen sózi ana júregindegi orny tolmas ókinishti bildiredi. Qazaq halqynda úlkenniń sózin jerge tastamaý -qasterli uǵym, ómirlik paryz. Ana júregi bárin sezedi ǵoı. Biraq, bul eshkim kútpegen tosyn oqıǵa edi. 2000 jyly 20 jasynda Bekzat Sattarhanov jol apatynan qaza boldy." Meniń jeńisim - qazaqtyń jeńisi!" degeni jasyndaı jarq etken ǵumyrynyń sońǵy amanaty bolǵan eken. Osy oqıǵadan ǵumyrlyq oı túıý, ómirlik sabaq alý - árbir qazaq otbasy úshin, árbir ata – ana men árbir perzent úshin úlken jaýapkershilik, kókeıtesti másele.Bul fılmdi kórý arqyly siz izgi áser alasyz. Endeshe, ýaqyt tartý etken izgilikten qur alaqan qalmańyz!
Almaty qalasy, Alataý aýdany
№169 mektep-lıeıiniń
10- "A" synyp oqýshysy,
Rysbaı Ernur.
Ǵylymı jetekshisi: ál-Farabı atyndaǵy QazUÝ doenti Ábdijádilqyzy Jıdegúl
