الماتىدا كوپبالالى جانە از قامتىلعان وتباسىلاردى كيىم-كەشەكپەن قامتيتىن الەۋمەتتىك دۇكەن اشىلدى. تاۋارلاردى تەگىن تاراتاتىن ورىن «اينابۇلاق» ىقشاماۋدانىندا ورنالاسقان، دەپ حابارلايدى Almaty.tv تىلشىسى.
الەۋمەتتىك دۇكەندە 1 ايلىق سابيدەن باستاپ، قارت كىسىلەرگە دەيىن شاق كەلەتىن كيىمدەر بار. سونداي-اق، اياق كيىم، ىدىس-اياق جانە ازىق-تۇلىكتىڭ كەي تۇرلەرىن تابۋعا بولادى. ال تاۋارلاردى الۋعا قالانىڭ كومەككە مۇقتاج كەز كەلگەن ازاماتى بارا الادى. دۇكەننىڭ اشىلۋىنا 30 كوپبالالى جانە مۇمكىندىگى شەكتەۋلى ازاماتتار شاقىرتىلىپ قاجەتتى زاتتارىن تاڭداپ الدى.
«بۇل جەردە جاڭا دا، ەسكى دە زاتتار بار. بىراق بارلىعىنىڭ جاعدايى جاقسى. تازا، قولدانۋعا بولادى. ەگەر دە مۇقتاج جاندارعا كومەكتەسكىلەرىڭىز كەلسە، «اينابۇلاق-3» ىقشاماۋدانى، 103 ا مەكەنجايى بويىنشا كەلىڭىزدەر. قازىر بىزگە اسىرەسە ىدىس-اياق قاجەت. كيىم-كەشەك، كىلەم، ءتىپتى ازىق-تۇلىك ونىمدەرىن قابىلدايمىز. ءبىزدىڭ دۇكەن تاڭعى ساعات 9-دان كەشكى 17:00-گە دەيىن تۇسكى ءۇزىلىسسىز جۇمىس ىستەيدى»، - دەيدى «ءبىز ادامدارمىز - ءبىز بىرگەمىز» قق ديرەكتورى يمانعازى دوسمۇحامبەتوۆ.
