Almatyda kópbalaly jáne az qamtylǵan otbasylardy kıim-keshekpen qamtıtyn áleýmettik dúken ashyldy. Taýarlardy tegin taratatyn oryn «Aınabulaq» yqshamaýdanynda ornalasqan, dep habarlaıdy Almaty.tv tilshisi.
Áleýmettik dúkende 1 aılyq sábıden bastap, qart kisilerge deıin shaq keletin kıimder bar. Sondaı-aq, aıaq kıim, ydys-aıaq jáne azyq-túliktiń keı túrlerin tabýǵa bolady. Al taýarlardy alýǵa qalanyń kómekke muqtaj kez kelgen azamaty bara alady. Dúkenniń ashylýyna 30 kópbalaly jáne múmkindigi shekteýli azamattar shaqyrtylyp qajetti zattaryn tańdap aldy.
«Bul jerde jańa da, eski de zattar bar. Biraq barlyǵynyń jaǵdaıy jaqsy. Taza, qoldanýǵa bolady. Eger de muqtaj jandarǵa kómekteskilerińiz kelse, «Aınabulaq-3» yqshamaýdany, 103 a mekenjaıy boıynsha kelińizder. Qazir bizge ásirese ydys-aıaq qajet. Kıim-keshek, kilem, tipti azyq-túlik ónimderin qabyldaımyz. Bizdiń dúken tańǵy saǵat 9-dan keshki 17:00-ge deıin túski úzilissiz jumys isteıdi», - deıdi «Biz adamdarmyz - biz birgemiz» QQ dırektory Imanǵazy DOSMUHAMBETOV.
