كوروناۆيرۋس تاعى 57 ادامنىڭ ءومىرىن جالمادى

2559
Adyrna.kz Telegram

قىتايداعى كوروناۆيرۋس جۇقتىرعانداردىڭ سانى 17 205-كە جەتتى، 361 ادام قايتىس بولدى. جاڭارعان مالىمەتتەردى قحر دەنساۋلىق ساقتاۋ مەملەكەتتىك كوميتەتى حابارلادى، - دەپ جازادى ريا نوۆوستي.

ءبىر كۇن بۇرىن 14 380 ادامنىڭ اۋرۋ جۇقتىرىپ، 304 ادامنىڭ قايتىس بولعانى حابارلانعان ەدى.

"2 اقپانداعى تۇنگى جاعداي بويىنشا دەنساۋلىق ساقتاۋ مەملەكەتتىك كوميتەتى 31 پروۆينتسيادان 17 205 ادامنىڭ اۋرۋ جۇقتىرعانى تۋرالى حابار الدى، ولاردىڭ 2 296-سى اۋىر جاعدايدا جاتىر، 361 ادام قايتىس بولدى، 475-ءى اۋرۋحانادان شىعارىلدى", - دەلىنگەن جاريالانعان حابارلامادا.

سوڭعى تاۋلىكتە 2 829 ادامنىڭ اۋرۋ جۇقتىرعانى بەلگىلى بولدى. گونكونگتە جۇقتىرۋدىڭ 15 جاعدايى انىقتالدى، ماكاودا - 8, تايۆاندا - 10.

سونىمەن قاتار، كوروناۆيرۋستىڭ جاڭا ءتۇرىن جۇقتىردى دەگەن 21 558 ادام تىركەلگەن. قازىرگى ۋاقىتتا اۋرۋ جۇقتىرعاندارمەن جاقىن بايلانىستا بولعان 152,7 مىڭ ادام باقىلاۋدا.

2019 جىلدىڭ 31 جەلتوقسانىندا قىتاي بيلىگى دۇنيەجۇزىلىك دەنساۋلىق ساقتاۋ ۇيىمىنا ەلدىڭ ورتالىعىنداعى ۋحان قالاسىندا بەلگىسىز ىندەت تارالعانىن حابارلاعان. ماماندار اۋرۋدىڭ قوزدىرعىشىن انىقتاعان، ول - 2019-nCoV كوروناۆيرۋسى.

tengrinews.kz

 

پىكىرلەر