قىتايدا كوروناۆيرۋستىڭ جاڭا تۇرىنەن تاراعان پنەۆمونيادان قايتىس بولعاندار سانى توعىزعا جەتتى ، - دەپ حابارلايدى ريا نوۆوستي. بۇل تۋرالى كىتاي حالىق رەسپۋبليكاسىن گيگيەنا جانە دەنساۋلىق ماسەلەسى بويىنشا مەملەكەتتىك كوميتەتتىڭ باسشىسىنىڭ ورىنباسارى لي بين ايتتى. تاياۋدا 6 ادام قايتىس بولىپ، 324 ادام وسى اۋرۋ ءتۇرىن جۇقتىرعانى ايتىلدى.
"قازىرگى ۋاقىتتا قىتايدا كوروناۆيرۋستىڭ جاڭا ءتۇرىن جۇقتىرعاندار سانى 440-قا جەتتى، توعىز ادام قايتىس بولدى", - دەدى لي بين. 2019 جىلدىڭ جەلتوقسان ايىنىڭ سوڭىندا قىتاي بيلىگى ۋحان قالاسىندا شىققان بەيمالىم پنەۆمونيانىڭ ءورشۋى تۋرالى حابارلادى. الدىن الا انىقتالعان اۋرۋ قوزدىرعىشى كوروناۆيرۋستىڭ جاڭا ءتۇرى بولدى. ۆيرۋس قىتايدان اسىپ كەتتى. وڭتۇستىك كورەيا، جاپونيا، اقش جانە تايلاندتا وسى اۋرۋ ءتۇرىن جۇقتىرعاندار تىركەلگەن. ال جۇقتىرۋعا كۇدىكتى جاعدايلار سينگاپۋردا، گونكونگتا جانە اۋستراليادا انىقتالدى. قىتاي بيلىگى ۆيرۋس ادامنان ادامعا جۇققانىن رەسمي تۇردە راستادى. "قاۋىپتى ىندەتتەن بارلىق بازار جابىلدى". قىتايداعى قازاق ەلدەگى جاعدايدى ايتىپ بەردى مۇنىڭ الدىندا ۆيرۋستىڭ جاپونياعا جەتكەنى ايتىلعان بولاتىن. جاپونيانىڭ كاناگا پرەفەكتۋراسىندا تۇراتىن قىتايلىق ەر ادام پنەۆمونيانىڭ جاڭا تۇرىنە شالدىقتى دەپ حابارلانعان ەدى. كوروناۆيرۋس - 30-دان اسا ۆيرۋستان تۇراتىن، ەكى تۇقىمداستىققا بولىنگەن اۋرۋ ءتۇرى. العاش 1965 جىلى انىقتالعان. اۋرۋدى كوپ جۇقتىراتىن وبەكتىلەر - ادامدار، ءۇي جانۋارلارى، قۇستار، شوشقالار جانە ءىرى قارا مال. كوروناۆيرۋس تىنىس الۋ جۇيەسىن، اسقازان-ىشەك جولدارىن، جۇيكە جۇيەسىنىڭ زاقىمدانۋىنا اسەر ەتۋى مۇمكىن.
tengrinews.kz
