Qytaıda koronavırýstyń jańa túrinen taraǵan pnevmonııadan qaıtys bolǵandar sany toǵyzǵa jetti , - dep habarlaıdy RIA Novostı. Bul týraly Kytaı Halyq Respýblıkasyn gıgıena jáne densaýlyq máselesi boıynsha memlekettik komıtettiń basshysynyń orynbasary Lı Bın aıtty. Taıaýda 6 adam qaıtys bolyp, 324 adam osy aýrý túrin juqtyrǵany aıtyldy.
"Qazirgi ýaqytta Qytaıda koronavırýstyń jańa túrin juqtyrǵandar sany 440-qa jetti, toǵyz adam qaıtys boldy", - dedi Lı Bın. 2019 jyldyń jeltoqsan aıynyń sońynda Qytaı bıligi Ýhan qalasynda shyqqan beımálim pnevmonııanyń órshýi týraly habarlady. Aldyn ala anyqtalǵan aýrý qozdyrǵyshy koronavırýstyń jańa túri boldy. Vırýs Qytaıdan asyp ketti. Ońtústik Koreıa, Japonııa, AQSh jáne Taılandta osy aýrý túrin juqtyrǵandar tirkelgen. Al juqtyrýǵa kúdikti jaǵdaılar Sıngapýrda, Gonkongta jáne Aýstralııada anyqtaldy. Qytaı bıligi vırýs adamnan adamǵa juqqanyn resmı túrde rastady. "Qaýipti indetten barlyq bazar jabyldy". Qytaıdaǵy qazaq eldegi jaǵdaıdy aıtyp berdi Munyń aldynda vırýstyń Japonııaǵa jetkeni aıtylǵan bolatyn. Japonııanyń Kanaga prefektýrasynda turatyn qytaılyq er adam pnevmonııanyń jańa túrine shaldyqty dep habarlanǵan edi. Koronavırýs - 30-dan asa vırýstan turatyn, eki tuqymdastyqqa bólingen aýrý túri. Alǵash 1965 jyly anyqtalǵan. Aýrýdy kóp juqtyratyn obektiler - adamdar, úı janýarlary, qustar, shoshqalar jáne iri qara mal. Koronavırýs tynys alý júıesin, asqazan-ishek joldaryn, júıke júıesiniń zaqymdanýyna áser etýi múmkin.
tengrinews.kz
