مەيرامبەك بەسباەۆ ءماجىلىس دەپۋتاتى زاعيپا باليەۆا جۇمىسىنا كەدەرگى كەلتىرىپ، قىسىم كورسەتىپ جاتقانىن مالىمدەگەن ەدى
انشى مەيرامبەك بەسباەۆ دەپۋتات زاعيپا باليەۆامەن اراداعى جاعدايعا بايلانىستى كەلىسسوزدەر جۇرگىزىلىپ، ورتاق شەشىمگە كەلگەندەرىن حابارلادى. بۇل تۋرالى "Sputnik.kz" حابارلايدى.
بۇل تۋرالى ءانشى ءىnstagram جەلىسىندەگى پاراقشاسىندا جازدى.
"كەشەلى بەرى قازاقستان ورىنداۋشىلارى وداعى ماڭىنداعى وربىگەن جاعدايعا بايلانىستى كەلەسىنى حابارلايمىن. بۇگىن ۇيىمنىڭ بۇرىنعى باسشىلىعىمەن كەزدەسۋ وتكىزدىم. ورتادا قالىپتاسقان بارلىق ماسەلەلەر بويىنشا كەلىسسوزدەر ءجۇرىپ، ورتاق شەشىمگە كەلدىك. بىرىنشىدەن، مەنىڭ زاڭدى تۇردە باسشى رەتىندە ادىلەت ورگاندارىندا تىركەلۋىمە بۇرىنعى باسشىلىق ەشقانداي كەدەرگى كەلتىرمەيتىن بولدى. ەكىنشىدەن، وداقتىڭ باسقا ۇيىمدار مەن قۇرىلىمداردىڭ الدىنداعى مىندەتتەمەلەرىن بۇرىنعى باسشىلىق جانە ءبىز ەكى جاقتاپ شەشەتىن بولدىق", - دەپ جازدى بەسباەۆ.
ءانشىنىڭ ايتۋىنشا، ءوز تاراپىنان ۇيىمنىڭ بولاشاقتاعى بارلىق جۇمىسى تازا، اشىق جۇرگىزىلەدى. قول جەتكىزىلگەن تاعى ءبىر كەلىسىم - كەي شارۋالارعا قاتىستى بۇرىنعى باسشىلىق ناقتى اقپارات بەرىپ وتىراتىن بولدى.
ء"بىر ەلدىڭ بالالارى بولعاندىقتان، سوزگە توقتاعان تەكتى حالىقتىڭ ۇرپاعى بولعاندىقتان، ءبىز ورتاق مامىلەگە كەلدىك. سول سەبەپتەن، قازاقتىڭ كورنەكتى مەملەكەت قايراتكەرى، قۇرمەتتى اپايىمىزعا قاتىستى كەشە جاريالاعان پوستىمدى الىپ تاستايمىن. كەشە ورىن العان ماسەلەنى ارى قاراۋ ۋشىقتىرماي، تەز ارادا شەشىلۋىنە ىقپال ەتكەن زاعيپا ياحياقىزىنا العىس ايتامىن! مەنى قولداپ، جىلى ءسوزىن اياماي جاتقان بارلىق اعايىنعا اللا رازى بولسىن", - دەگەن ءانشى ءوز جازباسىندا.
ايتا كەتەيىك، مەيرامبەك بەسباەۆ ءماجىلىس دەپۋتاتى زاعيپا باليەۆا جۇمىسىنا كەدەرگى كەلتىرىپ، قىسىم كورسەتىپ جاتقانىن مالىمدەگەن ەدى. ول دەپۋتاتتان انشىلەردىڭ شارۋاسىنا ارالاسپاۋدى تالاپ ەتتى. ال باليەۆا ءوزىنىڭ ەش قاتىسى جوق ەكەنىن ايتىپ، ءانشىنىڭ قوڭىراۋىن كۇتىپ وتىرعانىن حابارلاعان بولاتىن.
مەيرامبەك بەسباەۆ 15 قاڭتاردا قازاقستان ورىنداۋشىلار وداعىنىڭ باسقارما توراعاسى بولىپ سايلاندى.
