تاڭداۋ

258

ءبۇلدىرشىن كەزدەن باستاپ، ارمان ءتىزىمىن باستايمىز. ەسەيە كەلە ناعىز"ارمان"سوزىنىڭ تۇپكى مانىنە جەتىپ، عاجايىپ بولاشاققا كوز سالامىز. بايقايسىڭ، قورقاسىڭ، قادام باساسىڭ. جەتۋ ءۇشىن ىزدەنەسىڭ، ويلاناسىڭ، تۇبىندە قول جەتكىزەسىڭ. سونشا ۋاقىت شارشاعانىڭ ارمانىڭا جەتكەندە ۇمىتىلىپ قۇددى مۇلدەم قينالماعانداي سەزىنەسىڭ. بۇل - سەنىڭ تىنىمسىز ەڭبەگىڭنىڭ جەمىسى.
      مەن دە "ارمان"-دەگەن اق قۇستىڭ قاناتىنا ۇستاپ كەيدە اسپانعا سامعاپ، ال كەيدە جەرگە قاراي قۇلديلاپ بارا جاتقانداي سەزىنەمىن. باستى ماقسات- قۇزار شىڭنىڭ بيىگىن باعىندىرۋ. بالا باقشادا جۇرگەن كەزدە ءبيشى بولعىم كەلدى، بي ۇيىرمەسىنە قاتىسىپ،ساحنادا ونەر كورسەتىپ، ارمانداعان جەتىستىگىمە جەتكەندەي كۇي كەشتىم. بىراق، جان دۇنيەم بۇل الەمنەن جاي تابا المادى. وسە كەلە بويجەتە باستاعاندا اكتريسا بولۋدى كوزدەدىم. تالپىنا، تىرىسا كەلە، بۇل ماماندىقتىڭ دا مەندىك ەمەس ەكەنىن ۇقتىم. اقىن بولدىم، ءوز ورتامنىڭ العىرى اتاندىم. شابىتىم جۇيرىك ارعىماقتاي جۇيىتكىگەن سايىن، جىر شۋماقتارى تۋاتىن. بىراق، ۇشان-تەڭىز پوەزيا الەمىندە ءوزىمدى ءوزىم الداپ جۇرگەندەي كۇي كەشتىم. ويتكەنى، مەنىڭ جۇرەگىمنىڭ تۇبىندە، ءبىر پاراعى دا اشىلماعان، مەن مۇلدەم قول جەتكىزە المايتىنداي كورىنەتىن اسقاقتىعى اسقار تاۋمەن، تەرەڭدىگى ءتۇپسىز مۇحيتپەن ولشەنبەيتىن ءتورتىنشى بيلىك دەگەن ارمانىم بار بولاتىن. اقىرى، سول ارمانىم مەنى العا جەتەلەدى. سول باعىتتا تولاسسىز ىزدەنىس جولىن باستاپ، اقىرىن ءجۇرىپ انىق باسۋعا كىرىستىم. ەندىگى جەردە تاڭداۋىم - انىق، ماقساتىم - ايقىن. ارمانىم - جۋرناليست بولۋ. مىڭنىڭ ءبىرى بارار، ءار ءسوزىڭنىڭ جاۋابىن الار، شىدام مەنەن ىزدەنىستى تالاپ ەتەر كاسىپ ەكەنىن بايقادىم. قاتتى قورىقتىم، سەبەبى، بۇل ماماندىق- ءتورتىنشى بيلىك وكىلى، مەنىڭ ءاربىر ءسوزىم مەن قيمىلىم باقىلاۋدا. سوعان قاراماستان، وسى ارمانداعان ماماندىعىما قول جەتكىزبەي قويمايمىن دەپ،تاۋەكەل ەتتىم. مەن جاس بۋىن بولعاندىقتان، ءوز داۋىرىمىزدەگى ەكى جاندى ۇلگى ەتتىم. دانا نۇرجىگىت، شاح-كەرىم كارمەن. بۇل كىسىلەردى كورۋ، سۇحباتتاسۋ، سان جىلدار بويى كوكەيىمدە جۇرگەن ساۋالدارىما جاۋاپ الۋ مەن ءۇشىن ۇلكەن بەلەستى باعىندىرعانمەن بىردەي ەدى. ءسويتىپ، جۇرگەندە ارمانىمنىڭ التىن قاقپاسى اشىلعانداي بولدى. ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىندە تەلەجۋرناليستيكا كۋرسىنان ءتالىم بەرەتىن «جۋرناليست» عىلىمي ءبىلىم بەرۋ ورتالىعى قۇرىلعان ەكەن. ارمانىما دەگەن العاشقى قادامىمدى باستادىم. ۇلتتىق تەلەجۋرناليستيكانىڭ قازانىندا قايناپ جۇرگەن كاسىبي مامانداردان ءدارىس تىڭداپ، سولاردىڭ ءبىرى شاح-كەرىم كارمەنمەن جولىعىپ، ساباق الىپ، سۇراق قويىپ، ومىرلىك تاجىريبەسى مەن اقىل-كەڭەسىنەن قۇلاعدار بولىپ،قولىن الۋ، مەن ءۇشىن. بالا ارمانىمنىڭ ءبىر بولىگىن تولىقتىرعانداي ەدى. مىنە، ارمان وسىنداي. قۇلايسىڭ، تۇراسىڭ. كەيدە، ءتىپتى، جىلاپ، تاستاپ كەتكىڭ كەلەدى. بىراق،"سەن جەتەسىڭ" دەگەن ءبىر اۋىز ءسوز ءوڭ بويىڭا كۇش-قۋات بەرەدى. ارماندا، قيالدا، تالپىن، سەندىك دۇنيە تۇبىندە ساعان بۇيىرادى. ەڭ باستىسى، ارمانىڭنان اينىما، وعان ىشكى ىزگىلىگىڭمەن ادال بول!

 اياجان تالاسباەۆا،

قاراساي اۋدانى، ۇشتەرەك اۋىلى، 

ۇشتەرەك ورتا مەكتەبىنىڭ وقۋشىسى: 

عىلىمي جەتەكشىسى: ف. ع. ك، دوتسەنت جيدەگۇل ابدىجادىلقىزى

پىكىرلەر