Búldirshin kezden bastap, arman tizimin bastaımyz. Eseıe kele naǵyz"Arman"sóziniń túpki mánine jetip, ǵajaıyp bolashaqqa kóz salamyz. Baıqaısyń, qorqasyń, qadam basasyń. Jetý úshin izdenesiń, oılanasyń, túbinde qol jetkizesiń. Sonsha ýaqyt sharshaǵanyń armanyńa jetkende umytylyp quddy múldem qınalmaǵandaı sezinesiń. Bul - seniń tynymsyz eńbegińniń jemisi.
Men de "Arman"-degen aq qustyń qanatyna ustap keıde aspanǵa samǵap, al keıde jerge qaraı quldılap bara jatqandaı sezinemin. Basty maqsat- quzar shyńnyń bıigin baǵyndyrý. Bala baqshada júrgen kezde bıshi bolǵym keldi, bı úıirmesine qatysyp,sahnada óner kórsetip, armandaǵan jetistigime jetkendeı kúı keshtim. Biraq, jan dúnıem bul álemnen jaı taba almady. Óse kele boıjete bastaǵanda aktrısa bolýdy kózdedim. Talpyna, tyrysa kele, bul mamandyqtyń da mendik emes ekenin uqtym. Aqyn boldym, óz ortamnyń alǵyry atandym. Shabytym júırik arǵymaqtaı júıitkigen saıyn, jyr shýmaqtary týatyn. Biraq, ushan-teńiz poezııa áleminde ózimdi ózim aldap júrgendeı kúı keshtim. Óıtkeni, meniń júregimniń túbinde, bir paraǵy da ashylmaǵan, men múldem qol jetkize almaıtyndaı kórinetin asqaqtyǵy asqar taýmen, tereńdigi túpsiz muhıtpen ólshenbeıtin tórtinshi bılik degen armanym bar bolatyn. Aqyry, sol armanym meni alǵa jeteledi. Sol baǵytta tolassyz izdenis jolyn bastap, aqyryn júrip anyq basýǵa kiristim. Endigi jerde tańdaýym - anyq, maqsatym - aıqyn. Armanym - jýrnalıst bolý. Myńnyń biri barar, ár sózińniń jaýabyn alar, shydam menen izdenisti talap eter kásip ekenin baıqadym. Qatty qoryqtym, sebebi, bul mamandyq- tórtinshi bılik ókili, meniń árbir sózim men qımylym baqylaýda. Soǵan qaramastan, osy armandaǵan mamandyǵyma qol jetkizbeı qoımaımyn dep,táýekel ettim. Men jas býyn bolǵandyqtan, óz dáýirimizdegi eki jandy úlgi ettim. Dana Nurjigit, Shah-Kerim Kármen. Bul kisilerdi kórý, suhbattasý, san jyldar boıy kókeıimde júrgen saýaldaryma jaýap alý men úshin úlken belesti baǵyndyrǵanmen birdeı edi. Sóıtip, júrgende armanymnyń altyn qaqpasy ashylǵandaı boldy. Ál-Farabı atyndaǵy qazaq ulttyq ýnıversıtetiniń jýrnalıstıka fakýltetinde telejýrnalıstıka kýrsynan tálim beretin «Jýrnalıst» ǵylymı bilim berý ortalyǵy qurylǵan eken. Armanyma degen alǵashqy qadamymdy bastadym. Ulttyq telejýrnalıstıkanyń qazanynda qaınap júrgen kásibı mamandardan dáris tyńdap, solardyń biri Shah-Kerim Kármenmen jolyǵyp, sabaq alyp, suraq qoıyp, ómirlik tájirıbesi men aqyl-keńesinen qulaǵdar bolyp,qolyn alý, men úshin. bala armanymnyń bir bóligin tolyqtyrǵandaı edi. Mine, arman osyndaı. Qulaısyń, turasyń. Keıde, tipti, jylap, tastap ketkiń keledi. Biraq,"sen jetesiń" degen bir aýyz sóz óń boıyńa kúsh-qýat beredi. Armanda, qııalda, talpyn, sendik dúnıe túbinde saǵan buıyrady. Eń bastysy, armanyńnan aınyma, oǵan ishki izgiligińmen adal bol!
Aıajan Talasbaeva,
Qarasaı aýdany, Úshterek aýyly,
Úshterek orta mektebiniń oqýshysy:
Ǵylymı jetekshisi: F. Ǵ. K, doent Jıdegúl Ábdijádilqyzy
