قازاقستاندا تۋعان ءار بالاعا ميلليوننان تولەسە...

1055

پۋتين بۇگىنگى جولداۋىندا "انا كاپيتالىن" ءبىرىنشى بالادان باستاپ بەرەتىنىن ايتتى. ول شامامەن 2,8 ملن تەڭگە، ال ەكىنشى بالا ومىرگە كەلسە 3,8 ملن تەڭگە ءبىر مارتە بەرىلەدى. بىزدەگىنى قاراسام ۇيالىپ كەتتىم، سرازۋ وقىپ وتىرعان ماقالامدى جاۋىپ تاستادىم)
جالپى رەسەي "انا كاپيتالىنا" سوڭعى بار ستاتيستيكاعا سۇيەنسەك مىنشا قاراجات ءبولىپتى:
2010 گود - 97 ملرد رۋب.;
2011 گود - 171 ملرد. رۋب.;
2012 گود - 212 ملرد رۋب.;
2013 گود - 237 ملرد رۋب.;
2014 گود - 271 ملرد رۋب.;
2015 گود - 329 ملرد رۋب.;
2016 گود - 365 ملرد رۋب.;
2017 گود - 312 ملرد رۋب.
كوپ اقشا. ال ەندى "انا كاپيتالىن" ەكىنشى بالادان ەمەس، ءبىرىنشى بالادان باستاپ بەرۋدى تاپسىرعانىنا قاراعاندا، رەسەيدە ورىس ۇلتىنىڭ بالا تۋ دەڭگەيى تىم تومەندەپ كەتكەن. پۋتين "رەسەي حالقىن كوبەيتۋ كەرەك" دەدى، ول ءسوزدىڭ استارىندا "ورىس حالقىن" دەگەندى ءتۇسىنۋ قيىن ەمەس. ستاتيستيكانىڭ وزىنە قاراساق، 2010 مەن 2017 جىلدارى بەرىلگەن قارجىدا ۇلكەن ايىرماشىلىق بار. دەمەك راسىمەن بالا تۋ ارتقان جانە سايكەسىنشە قارجى دا كوپ بولىنگەن.

جالپى "انا كاپيتالىن" بوريس نەمتسوۆ مارقۇم سىناعان ەدى. ول "بۇل تەك قانا كاۆكازداعى حالىقتار مەن تۇركى حالىقتارىنا ءتيىمدى جانە ولاردى بالا تۋعا ىنتالاندىرادى، تەك ورىس حالقىن ەمەس" دەگەن بولاتىن. رەسەيدەگى "انا كاپيتالىن" ەسەپتەپ قاراساق، ەكى بالا ومىرگە كەلگەندە، ساتىپ الاتىن ءۇيدىڭ جارتى اقشاسىن جيناۋعا بولادى.

قازاقستان راسىمەن دەموگرافيانى كوتەرۋدى ويلاسا، ناقتى وسىنداي قادامدارعا بارۋ كەرەك. مەنىڭ ويىمشا ءار تۋىلعان بالاعا ميلليوننان ءبىر رەت تولەيتىن بولسا، وندا ءسوزسىز بۇل دەموگرافياعا وڭ اسەرىن بەرەدى. قازاقستاننىڭ دامىماي جاتۋىنىڭ باستى سەبەبى - حالىق سانىنىڭ تىم از بولۋى. كەمى 45-50 ملن بولسا، وندا ەكونوميكا ۇلكەن سەرپىنمەن داميتىن ەدى دەپ ويلايمىن. ول ءۇشىن ناقتى قادامدار، موتيۆاتسيالار بەرىلۋى ءتيىس.

اسحات قاسەنعالي

"ادىرنا" ۇلتتىق پورتالى

پىكىرلەر