ءبىز ءسالافيزمنىڭ سەبەبىمەن ەمەس، سالدارىمەن كۇرەسىپ ءجۇرمىز

2330

سالدارىمەن كۇرەسە بەرگەنشە تۇپكى سەبەپتەرىن جويۋ كەرەكپىز. ءدىني ەكسترەميزم جانە راديكاليزممەن ناقتى تاجىريبەدە جۇزبە-ءجۇز كۇرەسىپ جۇرگەن ساراپشى-ماماندار ماسەلەنىڭ تۇپكى سەبەپتەرىن ەمەس، كوبىنە كوپ سالدارىن جويۋعا كۇش جۇمسايدى. ءدىني قاۋىپسىزدىك ماسەلەسىمەن شۇعىلداناتىن مەملەكەتتىك ورگاندار دا نەگىزىنەن رەابليتاتسيالىق جانە دەراديكاليزاتسيالىق باعىتتا جۇمىس ىستەيدى. بىراق، تاجىريبەگە قارايتىن بولساق، اتالمىش مەملەكەتتىك ورگاندار ءدىني ەكسترەميزم مەن راديكاليزمنىڭ كوبىنەسە سالدارىمەن كۇرەسىپ، ولاردىڭ قوعامعا كەلتىرگەن زياندارىنىڭ ورنىن تولتىرۋعا باسىمدىق بەرىپ جاتادى. وسىلايشا ءدىني شەتىن كوزقاراستار مەن قاتقىل ۇستانىمداردىڭ كەلتىرگەن زارداپتارىمەن عانا كۇرەسەتىن بولساق، وندا تاقاۋ جىلداردا ءدىني ەكسترەميزم مەن راديكاليزم ماسەلەسى قاۋىپسىزدىك سالاسىنىڭ نەگىزگى تاقىرىبى بولىپ قالا بەرەدى دەگەن ءسوز.

شىنتۋايتىندا، ءدىني ەكسترەميزم مەن راديكاليزم ماسەلەسىنىڭ قاۋپىن سەيىلتۋ ءۇشىن سالدارىمەن بىرگە ونىڭ تۇپكى سەبەپتەرىن جويۋعا ءمان بەرۋىمىز كەرەك. ال، تۇپكى سەبەپتەرىن قانداي قوعامدىق فاكتورلار قۇرايدى؟ ءبىز تەك ءدىني ەكسترەميزم مەن راديكاليزمنىڭ سالدارىنا باسىمدىق بەرمەستەن، وسى ماسەلەلەرگە دە ءجىتى نازار اۋدارۋىمىز قاجەت. ءدىني ەكسترەميزم مەن راديكاليزمگە يتەرمەلەيتىن سەبەپتەردى انىقتاۋ ارقىلى ءبىز ماسەلەنىڭ تۇپكى سىرىن بىلە الامىز. ول ءۇشىن بۇگىنگى كۇنگە دەيىنگى ءدىني ەكسترەميزم جانە راديكاليزممەن ناقتى تاجىريبەدە كۇرەسىپ جۇرگەن تەولوگ-مامانداردىڭ وي-تۇجىرىمدارىن زەردەلەۋىمىز شارت. ياعني، بۇل ماسەلەنىڭ الدىمەن شىعۋ تەگى مەن وعان يتەرمەلەيتىن فاكتورلاردى انىقتاساق، شەشىمىن تابۋ قيىنعا سوقپايدى.

مۇحان يساحان،
ءدىنتانۋشى. PHD دوكتورى.
قمدب جانىنداعى عۇلامالار كەڭەسىنىڭ مۇشەسى.
شقو ءدىن ماسەلەلەرىن زەرتتەۋ ورتالىعىنىڭ تاپسىرىسى بويىنشا

پىكىرلەر
رەداكتسيا تاڭداۋى