كۇللى الەمدى الاڭداتىپ وتىرعان يران مەن اقش-تىڭ اراسىنداعى قاقتىعىستىڭ نەگىزگى سەبەبى ەكونوميكالىق-ساياسي مۇددە مەن وركەنيەتتىك قايشىلىق ەكەنىن ءبارىمىز بىلەمىز. يران تەرروريستىك اسكەري ۇيىمىنىڭ بەلدى قولباسشىسى قاسەم سۋلەيمانيدى جەرلەۋ راسىمىنە شىققان ميلليونداعان حالىقتىڭ ۇستانىمى رەتىندە "قارۋلى سوعىستىڭ"سيمۆولى قارا ءتۇس نەمەسە "يسلامنىڭ" ءتۇسى جاسىل ەمەس، وتقا تابىنۋشى ءزورواستريزمنىڭ سيمۆولى( قىزىل وتتى شوق) قىزىل ءتۇستى تۋدى كوتەرگەنىنە قاراپ پارسى ۇلتشىلدىعىنىڭ يران ەلىندە وتە قارقىن العانىن كورىپ وتىرمىز. كەزىندە قانىشەر گيتلەر ۇستانعان ۇلتشىل-سوتسيال يدەياسىنىڭ پاراديگماسى بولىپ تابىلاتىن اريلىك تازا ءناسىل تەورياسىنىڭ ءپروتوتيپى، ياعني فۋندامەنتى پارسىلىق زورواستريزمنەن باستاۋ الاتىنى بارىنە بەلگىلى.پانتەيستىك دۇنيەتانىمعا وتە ەتەنە جاقىن نەمەسە ءارتۇرلى يدەولوگيالاردىڭ قوسىندىسى بولعان سوپىلىق اعىمداردىڭ يراندا كەڭ ەتەك جايۋى جانە مەملەكەت تاراپىنان قولداۋ تابۋى (اياتوللا حومەيني پارسى ءسۋفيزمىنىڭ وكىلى) الەمدەگى ءسۇننيت-شيعا دەپ بولىنگەن "يسلام" دىنىندەگى ەكى ماگيسترالدى باعىتتىڭ ءوزارا كونفرونتاتسياسىن اشىق كورسەتەدى. انىعىندا "يسلام" الەمىندەگى 80/20 دەپ قابىلدايتىن كوپشىلىك سۇننيتتەردىڭ توبىن جۇزدەگەن سوپىلىق تاريقاتتار قۇرايتىنىن كوبى بىلە بەرمەيدى. سول ءۇشىن گەنەرال قاسەم سۋلەيمانيدىڭ ءولىمىن تەك يراندىقتار عانا ەمەس،بۇكىل سۇننيتتىك باعىتتاعى سوپىلاردىڭ(قازاق ەلىندە دە يراندى جاقتاعاندار وتە كوپ) ازا تۇتۋى بۇل فاكتىگە دالەل بولا الادى.
سوپىلىق تاريقاتتاردىڭ "يسلام" تاريحىندا "قارۋلى سوعىس" دەپ كوپتەگەن مەملەكەتتەر مەن حالىقتاردى قىلىشتىڭ جۇزىمەن باعىندىرعانى تۋرالى،مىسالى الەم سۇننيتتەرىنىڭ اراسىندا بەدەلى وتە جوعارى جانە ءوزىن پايعامبار مۇحاممەدتىڭ ۇرپاعىمىن دەپ ەسەپتەيتىن حابيب الي
https://tengrinews.kz/https://tengrinews.kz/russia/ramzanu-kadyirovu-perelili-krov-potomka-proroka-muhammeda-280645/
دجيفري قاسيەتتى "قارۋلى سوعىس" تۋرالى ءوزىنىڭ ۆيدەوسۇحباتىندا بىلاي دەيدى:
سوپىلار جيھاد تۋرالى نە ايتادى؟
اللا جولىنداعى جيھاد سالاسىن الساق، وندا مۇسىلمانداردىڭ يسلام دۇشپاندارى مەن جاۋلاشىلارعا قارسى جۇرگىزگەن بارلىق شايقاستارىنىڭ جەتەكشىلەرى مەن يمامدارى سوپى يمامدارى بولعان. يەرۋساليمدى كىم بوساتتى؟ (اللا ونىڭ بوساتىلۋ كۇنىن جاقىنداتسىن!) ونى بوساتۋ ءۇشىن جورىق كىم ۇيىمداستىردى؟ بۇل سالاح ءاد-دين يۋسۋف يبن ايۋبي ەدى. ول اللا جولىنداعى شاھيدتەردى دايارلاۋ ءۇشىن سيرياداعى كوسيون تاۋىندا سوپىلىق وقۋ ورتالىقتارىن سالدى. سالاح ءاد-دين يبن ايۋبي پەن نۋر ءاد-دين زانكي «سوپىلىق تۋرالى ۇلكەن كىتاپتىڭ» نەگىزىندە ءدىني عىلىمدارىنىڭ جاڭعىرىلۋى ارقىلى مۇسىلمانداردى بوساتۋ جولىن اشتى. بىراق ولار مۇسىلمانداردىڭ قورلانۋى مەن ءوز-وزدەرىن قورعاۋعا قابىلەتسىزدىگىنىڭ سەبەبى حاديس بويىنشا دۇنيەگە دەگەن ماحاببات پەن ولىمنەن قورقۋ ەكەنىن بىلەتىن. سوندا ولار بۇل دەرتتى ەمدەيتىن كىتاپتى الىپ، ادامداردى جيھادقا دايىندادى.
جەتىنشى كرەست جورىعىن تويتارىپ، ءال-مانسۋر قالاسىندا ليۋدوۆيك IX كورولدى تۇتقىنعا العان اسكەردىڭ جالاۋگەرى كىم بولدى؟ بۇل ءاش-ءشازيليا تاريقاتىنىڭ يمامى ءابۋل-حاسان ءالي ءاش-ءشازيلي (راحيماحۋللاح) بولعان. ول كوز جانارىنان ايىرىلعان توقسان جاستاعى قاريا بولعان كەزدە قولىنا جالاۋدى الىپ: «ءال-ءدجيھاد، ءال-ءدجيھاد!» – دەگەن شاقىرۋدى جار سالدى، ال مۇريتتەرى بولسا ونىڭ قولىنان ۇستادى، سوسىن ونىڭ ماڭىندا كوپتەگەن ۇلى عۇلامالار جينالدى، ولاردىڭ اراسىندا ۇلى عالىم يززۋ-د-دين يبن ءابدۋ-س-ءساليام بولدى. ولاردىڭ ءبارى سوعىس مايدانىندا بولىپ، ليۋدوۆيك IX فرانتسۋز كورولىن تۇتقىنعا الدى.
ءتۇن باسقان كەزدە كوپتەگەن مۇسىلمانداردى موڭعول-تاتاردىڭ تۇتقىنىنان بوساتقان اسكەرلەردىڭ جالاۋگەرى كىم بولدى؟ بۇل تاريقات يمامى احماد ءال-ءباداۋي بولدى.
ماروككالىقتاردىڭ وتارشىلدارعا قارسى تەكەتىرەسىن كىم باسقاردى؟ بۇل سوپىلار بولدى. ليۆيالىقتاردىڭ يتاليان وتارشىلدارىنا قارسى ۇلكەن جيھادىن كىم باسقاردى؟ بۇل ءاس-ءسانۋسيا تاريقاتىنىڭ ەرۋشىسى ۋمار ال-مۋحتار بولدى. سيريا مەن يوردانيادا يسلام دۇشپاندارى مەن وتارشىلدارعا قارسى كۇرەس تۋىن كىم كوتەردى؟ بۇل ناقشبانديا مەن ءشازيليا تاريقاتتارىنىڭ شەيحتەرى بولدى. يندونەزيانىڭ جانە كورشىلەس اۋماقتاردىڭ وتارلانۋىنا قارسى كىم تۇردى؟ (سونىڭ ىشىندە ناقشبانديا تاريقاتىنىڭ شەيحى داعىستان مەن شەشەنستاننىڭ يمامى ءشاميلدىڭ ەسىمىن اتاپ وتۋگە بولادى.) بۇل ءال-ءالاۋيا تاريقاتىنىڭ شەيحى بولدى.
كىم بۇل تۋرالى ويلانسا – سول اقيقاتتى تۇسىنەدى. حيجرانىڭ ءبىرىنشى عاسىرىنان باستاپ، ءبىزدىڭ كۇندەرىمىزگە دەيىن جيھاد تۋىن سوپىلاردان باسقا ەشكىم كوتەرمەگەن!
وسىنداي تاريحي دالەلگە تولى دەرەكتەردىڭ توقسان اۋىز ءسوزدىڭ توبىقتاي ءتۇيىنى يسلام الەمىندە سۇننيتتەر،ياعني فۋندامەنتاليستىك-ورتودوكستى مۇسىلماندار 20%، ال كەرىسىنشە شيعا-سوپىلار -80% ەكەنى تۋرالى پارادوكس ءدىنتانۋشىلار، مادەنيەتتانۋشىلار مەن ساياساتكەرلەردى ويلاندىرۋى ءتيىس!
تۇراربەك قۇسايىنوۆ،
"دەموس" قب توراعاسى
