81 جاستاعى "بەينەتكەر" نەمەسە دارىگەرگە دارىگەر كەرەك

1006

وسكەمەندەگى مەديتسينالىق جەدەل جاردەم مەملەكەتتىك مەكەمەسىندە 1939 جىلى تۋعان 81 جاستاعى ورىس كەمپىرى دارىگەر-ەكسپەرت بولىپ جۇمىس ىستەيدى ەكەن.
ەڭ قىزىعى ول مەكەمەدە 70-80 جاس ارالىعىنداعى تاعى بىرنەشە زەينەتكەر جىلى ورنىنان قوشتاسقىسى كەلمەي ءالى قىزمەتىندە ءجۇرىپ جاتىر. سوندا بۇل قالاي بولعانى؟ مەملەكەتتىڭ زاڭى بۇلارعا جۇرمەي مە؟ قانشاما جاستار جۇمىس تابا الماي ساندالىپ ءجۇر.
بىلتىر وسى ماسەلە الەۋمەتتىك جەلىدە قىزۋ تالقىلانعان بولاتىن. شقو وبلىستىق دەنساۋلىق ساقتاۋ باسقارماسى تەكسەرىس جۇرگىزىپ ەكى زەينەتكەردى جۇمىستان بوساتىپتى. ال قالعان زەينەتكەرلەردى ورىندارىنا جاس ماماندار تابىلماۋى سەبەپتى ۋاقىتشا ۇستاي تۇرۋعا ءماجبۇر ەكەندىكتەرىن جازعان. ودان بەرى 1 جىل ۋاقىت ءوتىپ، الگى زەينەتكەردىڭ 80 جاس مەرەيتويىن دا اتاپ ءوتىپ ۇلگەرىپتى. ورنىنا مامان تابىلمايتىنداي بۇل نەعىلعان قىزمەت سونشاما؟
ال "بەينەتكەرلەر" بولسا ەڭبەك تۋرالى زاڭنىڭ ەش قاتىسى جوق سياقتى جۇمىس ورنىن ەشكىمگە بەرگىلەرى كەلمەيدى.
بۇل قاۋساعان قارتتاردى سىي-سياپاتىن جاساپ زەينەتكەرلىككە شىعارسىن.

تولەگەن جاقسىلىق، 

وسكەمەن قالاسى

پىكىرلەر