“ايگولەك” جۋرنالىن وقيتىن بارشا بۇلدىرشىندەردىڭ اناسى اتانعان، ءبىر بويىڭا ەرلىك تە، ورلىك تە، ەشكىمگە ۇقسامايتىن دارا مىنەزى جيناقتالعان قىمبات ابىلداقىزىن تانىمايتىن ادام كەمدە-كەم. اسىرەسە، ول كىسىنىڭ قازاقتىق رۋحى، قاي جەردە بولماسىن ايتقان جىگەرلى سوزدەرى ء“اي، بارەكەلدى!” دەگەن ءسۇيسىنىس تۋدىرادى. «ادىرنا» كلۋبىنىڭ ۇيىمداستىرۋىمەن قازۇۋ-دىڭ قارا شاڭىراعىندا قىمبات اپايمەن جارقىن كەزدەسۋ بولىپ ءوتتى.
كەي ادامدارعا سيرەك بەرىلەتىن ءبىر قاسيەت بار. ول قانداي ورتا بولماسىن، سول اۋرانىن تىزگىگىن قولىندا ۇستاۋ، دۇرىسى باۋراپ الۋ. قىمپات اپايدىڭ تابالدىرىقتان باسىن ءيىپ اتتاعان ساتىنەن وسى قاسيەتتى تانىعانداي بولدىق. سىزدەرگە وتىرىك، بىزگە شىن، 1 ساعاتقا دەپ جوسپارلاعان كەزدەسۋىمىز 3 ساعاتتان اسىپ بارىپ جىعىلدى. كوكەيدە جۇرگەن كوپ تۇيىتكىلدى جايلاردىڭ باسى اشىلدى. ءتىل تاعدىرى، تاربيە، سالت-داستۇرگە قاتىستى پروبلەمالارعا جاڭا قىرىنان كەلىپ، تەرەڭنەن قازبالاپ قورىتۋعا قىمبات اپايدىڭ كۇندەلىكتى ومىردەن الىنعان مىسالدارى تۇرتكى بولدى. ءبىر جاعىنان كۇلدىرگى، قىزىق بولعانىمەن، سول وقيعالاردا تۇتاستاي ءبىر قوعامنىڭ اششى شىندىعى جاتتى.
اسقاربەك قازانعاپ،
قازۇۋ-داعى «ادىرنا» كلۋبىنىڭ جەتەكشىسى
