“Aıgólek” jýrnalyn oqıtyn barsha búldirshinderdiń anasy atanǵan, bir boıyńa erlik te, órlik te, eshkimge uqsamaıtyn dara minezi jınaqtalǵan Qymbat Ábildaqyzyn tanymaıtyn adam kemde-kem. Ásirese, ol kisiniń qazaqtyq rýhy, qaı jerde bolmasyn aıtqan jigerli sózderi “Áı, bárekeldi!” degen súısinis týdyrady. «Adyrna» klýbynyń uıymdastyrýymen QazUÝ-dyń qara shańyraǵynda Qymbat apaımen jarqyn kezdesý bolyp ótti.
Keı adamdarǵa sırek beriletin bir qasıet bar. Ol qandaı orta bolmasyn, sol aýranyn tizgigin qolynda ustaý, durysy baýrap alý. Qympat apaıdyń tabaldyryqtan basyn ıip attaǵan sátinen osy qasıetti tanyǵandaı boldyq. Sizderge ótirik, bizge shyn, 1 saǵatqa dep josparlaǵan kezdesýimiz 3 saǵattan asyp baryp jyǵyldy. Kókeıde júrgen kóp túıitkildi jaılardyń basy ashyldy. Til taǵdyry, tárbıe, salt-dástúrge qatysty problemalarǵa jańa qyrynan kelip, tereńnen qazbalap qorytýǵa Qymbat apaıdyń kúndelikti ómirden alynǵan mysaldary túrtki boldy. Bir jaǵynan kúldirgi, qyzyq bolǵanymen, sol oqıǵalarda tutastaı bir qoǵamnyń ay shyndyǵy jatty.
Asqarbek QAZANǴAP,
QazUÝ-daǵy «Adyrna» klýbynyń jetekshisi
