جامبىلدا جىل سوڭىنا دەيىن 40 سپورت الاڭشا پايدالانۋعا بەرىلەدى

151

ەل ۇكىمەتى بۇقارالىق سپورتتى دامىتۋعا ايرىقشا نازار اۋدارىپ وتىر. ال بۇقارالىق سپورتتىڭ دامۋى ءۇشىن ازاماتتارعا قولايلى سپورت سارايلارى مەن سپورت الاڭشالارى سالىنۋى كەرەك.

بۇل باعىتتا جامبىل وبلىسى جوسپار بويىنشا اۋقىمدى جۇمىس اتقارىپ وتىر. ايماق باسشىسى اسقار مىرزاحمەتوۆتىڭ تاپسىرماسىنا سايكەس، وبلىستا شاعىن سپورت الاڭشالارىنا تۇگەندەۋ جۇرگىزىلگەن بولاتىن. وسى ساراپتامانىڭ ارقاسىندا وڭىرگە 266 سپورت الاڭشاسى قاجەت ەكەنى ناىقتالىپ، ناقتى تاپسىرما بەرىلدى. ماسەلەن بيىل وڭىردە 174 سپورت الاڭشاسىن سالۋ جوپارلانسا، بۇگىندە ونىڭ باسىم بولىگى پايدالانۋعا بەرىلدى. ناقتىراق ايتساق، بيىل جىل باسىنان بەرى 134 سپورت نىسانى پايدالانۋعا بەرىلگەن. جىل سوڭىنا دەيىن تاعى 40-ى اشىلىپ، سپورتپەن شۇعىلدانامىن دەگەن ازاماتتارعا زور مۇمكىندىك تۋماق.. ال، قالعان 92 نىساننىڭ ماسەلەسى 2020 جىلى تولىق شەشىلەدى دەپ كۇتىلۋدە.

وبلىستىق سپورت باسقارماسىنىڭ باسشىسى نۇربول جۇنىسبەكوۆتىڭ ايتۋىنشا، جامبىل وبلىسىنىڭ 80 جىلدىعىنا وراي تاراز قالاسىندا بىرنەشە سپورت الاڭشالارى پايدالانۋعا بەرىلدى. سولاردىڭ ءبىرى «جانسايا» مولتەك اۋدانىندا ورنالاسقان «الاش ارەنا» كىشى فۋتبول الاڭشالار كەشەنى.

«جىل باسىندا وبلىس بويىنشا 174 سپورت الاڭشاسىن اشۋ جوسپارلانسا، «الاش ارەنا» 134-ءشى سپورت الاڭشاسى. قالانىڭ حالىق كوپ شوعىرلانعان ايماعىنان بوي كوتەرگەن عيمارات، جەكە كاسىپكەرلەردىڭ قارجىسىنا سالىنعان. كەشەندە ستاندارتقا ساي 2 كىشى فۋتبول الاڭشاسى، زاماناۋي ۇلگىدەگى جاتتىعۋ زالى مەن ارنايى كيىم كەشەك اۋىستىراتىن جانە جۋىنۋعا ارنالعان بولمەلەرى بار. جىل سوڭىنا دەيىن جوسپار تولىق ورىندالىپ، كەلەر جىلى 92 الاڭشا بەرىلەدى دەپ كۇتىلۋدە. ال، بيىل تاراز قالاسى اۋماعىنان 15 سپورت الاڭشاسى بوي كوتەرسە، ونىڭ التاۋى بيۋدجەت ەسەبىنەن، قالعان توعىز سپورت الاڭشاسى جەكە كاسىپكەرلەردىڭ قارجىسىنا سالىنعان. سونىمەن قاتار جەرگىلىكتى بيۋدجەت ەسەبىنەن بىرقاتار سپورت الاڭشالارى قالپىنا كەلتىرىلگەن. قازىرگى جاستاردىڭ كاسىبي سپورتشى دەڭگەيىنە جەتۋى ءۇشىن، وسىنداي سپورت الاڭشالار سەپتىگىن تيگىزەدى»، – دەدى نۇربول جۇنىسبەكوۆ.

باسقارما باسشىسى جەرگىلىكتى تۇرعىنداردىڭ دەنە شىنىقتىرۋمەن اينالىسۋى ءۇشىن دەمەۋشىلەر كومەگىمەن 400 ادامعا ارنالعان 1 سپورت كەشەنى سالىندى، بيۋدجەت ەسەبىنەن تاعى ەكەۋىنىڭ قۇرىلىسى جۇرگىزىلۋدە. ايتا كەتەيىك، جىل باسىنان بەرى وبلىس سپورتشىلارى ءىرى حالىقارالىق جارىستارعا قاتىسىپ، 14 سپورتشى جۇلدەلى ورىنداردى يەلەنسە، ونىڭ 1-ءى الەم چەمپيونى اتاندى.

«ادىرنا»

ۇلتتىق پورتالى

پىكىرلەر