اۋليەاتادا قازاقستان رەسپۋبليكاسى تۇڭعىش پرەزيدەنتى كۇنى جانە وبلىستىڭ 80 جىلدىعىنا وراي 28 نىسان ەل يگىلىگىنە بەرىلدى. اتاپ ايتقاندا، 1 فرونت وفيس، 22 مەديتسينالىق پۋنكت، 2 بالاباقشا اشىلىپ، 3 ينجەنەرلىك جۇيەسى ىسكە قوسىلدى. سونداي-اق، وبلىستا مەرەكە قارساڭىندا كوپبالالى جانە از قامتىلعان قارساڭىندا قايىرىمدىق شارالارى جاسالىپ، ونىڭ سوڭى مەرەكەلىك كونتسەرتكە ۇلاستى.
تاراز قالاسىندا ينۆەستورلارمەن «ءبىر تەرەزە» قاعيداتى بويىنشا جۇمىس ىستەيتىن ايماقتىق Zhambyl Invest فرونت-كەڭسەسى اشىلدى. اتالعان فرونت-وفيس قر ۇكىمەتىنىڭ «ينۆەستورلار ءۇشىن «ءبىر تەرەزەنى» ۇيىمداستىرۋ قاعيدالارىن، سونداي-اق ينۆەستيتسيالار تارتۋ كەزىندە ءوزارا ءىس-قيمىل جاساۋ ءتارتىبىن بەكىتۋ تۋرالى» قاۋلىسىنا سايكەس وڭىردە ينۆەستورلارعا قىزمەت كورسەتۋ بويىنشا اشىلىپ وتىر.
قورداي اۋدانىنىڭ قىزىلساي اۋىلىندا 50 ورىندىق «ءتىلاشار 2» جەكە مەنشىك بالاباقشالارى پايدالانۋعا بەرىلدى. بالاباقشادا 2 پەداگوگ جانە 6 كومەكشى پەرسونال، بارلىعى 8 ادام جۇمىسپەن قامتىلادى. سونداي-اق قورداي اۋىلىنداعى 75 ورىندىق «كوركەم قورداي» بالاباقشاسى پايدالانۋعا بەرىلدى.
سونداي-اق قورداي اۋدانىنىڭ قالعۇتى، مۇزبەل، كەنەن، بايتەرەك، قىزىلساي اۋىلدارىندا مەديتسينالىق پۋنكتەر اشىلدى.
سارىسۋ اۋدانىنىڭ جاڭاتالاپ اۋىلىندا فەلدشەرلىك اكۋشەرلىك جانە ماياتاس اۋىلدارىندا مەدپۋنك بەرىلدى.
P.S. بايزاق اۋدانىنىڭ 4, جۋالى اۋدانىندا 5, مەركى اۋدانىندا 7 مەديتسينالىق پۋنكتەر پايدالانۋعا بەرىلدى. سونىمەن قاتار جۋالى اۋدانىندا تەرىس، قوسبولتەك، نۇرلىكەنت اۋىلدارىندا جاڭا تۇرعىن القابىنىڭ ينجەنەرلىك جۇيەسى ىسكە قوسىلدى.
«ادىرنا»
ۇلتتىق پورتالى
