«اق جول» پارتياسى قوسىمشا قۇن سالىعىنان باس تارتۋدى جانە سالىق رەفورماسىن جۇرگىزۋدى ۇسىنادى - دەپ مالىمدەدى ازات پەرۋاشەۆ بيىلعى 29 قاراشادا وتكەن ءماجىلىس وتىرىسىندا.
پرەزيدەنت قاسىم-جومارت توقاەۆ ءوزىنىڭ جولداۋىندا سالىق جۇيەسى بويىنشا بىرقاتار تاپسىرمالار بەرگەن بولاتىن. اتاپ ايتقاندا، پرەزيدەنت 2023 جىلعا دەيىن 5% مولشەرىندە قوسىمشا زەينەتاقى جارنالارىن ەنگىزۋدى كەيىنگە قالدىرۋ مەن سالىق كودەكسىندە كوزدەلمەگەن بارلىق تولەمدەرگە تىيىم سالۋ ارقىلى جالاقى قورىنا قىسىمدى تومەندەتۋدى تاپسىردى.
ەستەرڭىزدە بولسا، «اق جول» پارتياسى سالىق ورگاندارىنىڭ بانكتىك كارتالاردى فيكسالدىق باقىلاۋعا الۋ تۋرالى باستاماسىنا قارسى شىعىپ، قوعامدا قىزۋ پىكىرتالاس تۋىنداعان بولاتىن.
سونىمەن قاتار، ا.پەرۋاشەۆتىڭ ايتۋىنشا، دەپۋتاتتارعا كاسىپكەرلەردەن كەلىپ تۇسكەن وتىنىشتەر اعىمى كوبەيگەن. ولار سالىق ورگاندارى باسقا بىرەۋلەردىڭ الاياقتىق ءىس-ارەكەتتەرىنىڭ سالىقتارىن تولەۋگە ماجبۇرلەيتىنىن ايتىپ، شىعامدانعان. ناتيجەسىندە، جۇزدەگەن تابىستى كومپانيالار ميلليونداعان قوسىمشا قۇن سالىعىن، كورپوراتيۆتىك تابىس سالىعىن، ايىپپۇلدار مەن وسىماقىلاردى تولەگەندىكتەن، جۇزدەگەن قىزمەتكەرلەرىمەن بىرگە جويىلۋ قاۋپىنە تاپ بولادى.
«سالىق ورگاندارىنىڭ بيزنەسكە وسىنداي تالاپ قويۋى تاڭقالارلىق ەمەس، ويتكەنى، بۇل – ولاردىڭ مىندەتى. ال، سوتتاردىڭ مۇنداي تالاپتاردى قاناعاتتاندىراتىنى تاڭ قالدىرادى»،- دەدى دەپۋتات.
ازات پەرۋاشەۆ وسى جۇيەلىك ماسەلەگە وراي، «اق جول» فراكتسياسى مەن «اتامەكەن» ۇكپ-نىڭ ۇندەۋىنەن كەيىن، وسى جىلدىڭ اقپان ايىندا جوعارعى سوت توراعاسى جاقىپ اسانوۆ قارۋلى كۇشتەردىڭ سۋديالارىنىڭ قاتىسۋىمەن جۇمىس توبىن قۇردى. الايدا، بۇل دەڭگەيدە دە بيزنەس ەكونوميكانىڭ نەگىزگى زاڭدارىنىڭ قابىلدانباۋىنا تاپ بولدى.
نەگىزگى داۋلار وتە قيىن سالىق بولىپ سانالاتىن قوسىمشا قۇن سالىعىن جيناۋ پروتسەدۋراسىنا قاتىستى بولدى. ويتكەنى ونى قولدانۋ نەسيە بولىگىن ەسەپتەۋ، سالىق ورگاندارىمەن قابىلدانعان نەمەسە قابىلدانباعان ءتۇرلى قۇجاتتاردى ۇسىنۋمەن بايلانىستى. سوندىقتان، دەپۋتات قوسىمشا قۇن سالىعىنان باس تارتىپ، سالىق رەفورماسىن جۇرگىزۋدى ۇسىندى.
«مۇنداي رەفورما وندىرۋشىلەرگە قولداۋ كورسەتىپ، سالىق سالۋدى ايتارلىقتاي جەڭىلدەتەدى جانە سالىقتىق تەكسەرۋلەردىڭ سىبايلاس جەمقورلىق الەۋەتىن تومەندەتەدى »، - دەدى ا.پەرۋاشەۆ.
