«Aq jol» partiiasy qosymşa qūn salyǧynan bas tartudy jäne salyq reformasyn jürgızudı ūsynady - dep mälımdedı Azat Peruaşev biylǧy 29 qaraşada ötken Mäjılıs otyrysynda.
Prezident Qasym-Jomart Toqaev özınıŋ Joldauynda salyq jüiesı boiynşa bırqatar tapsyrmalar bergen bolatyn. Atap aitqanda, Prezident 2023 jylǧa deiın 5% mölşerınde qosymşa zeinetaqy jarnalaryn engızudı keiınge qaldyru men Salyq kodeksınde közdelmegen barlyq tölemderge tyiym salu arqyly jalaqy qoryna qysymdy tömendetudı tapsyrdy.
Esterŋızde bolsa, «Aq jol» partiiasy Salyq organdarynyŋ banktık kartalardy fiksaldyq baqylauǧa alu turaly bastamasyna qarsy şyǧyp, qoǧamda qyzu pıkırtalas tuyndaǧan bolatyn.
Sonymen qatar, A.Peruaşevtıŋ aituynşa, deputattarǧa käsıpkerlerden kelıp tüsken ötınışter aǧymy köbeigen. Olar salyq organdary basqa bıreulerdıŋ alaiaqtyq ıs-äreketterınıŋ salyqtaryn töleuge mäjbürleitının aityp, şyǧamdanǧan. Nätijesınde, jüzdegen tabysty kompaniialar milliondaǧan qosymşa qūn salyǧyn, korporativtık tabys salyǧyn, aiyppūldar men ösımaqylardy tölegendıkten, jüzdegen qyzmetkerlerımen bırge joiylu qaupıne tap bolady.
«Salyq organdarynyŋ bizneske osyndai talap qoiuy taŋqalarlyq emes, öitkenı, būl – olardyŋ mındetı. Al, sottardyŋ mūndai talaptardy qanaǧattandyratyny taŋ qaldyrady»,- dedı deputat.
Azat Peruaşev osy jüielık mäselege orai, «Aq jol» fraksiiasy men «Atameken» ŪKP-nyŋ ündeuınen keiın, osy jyldyŋ aqpan aiynda Joǧarǧy Sot töraǧasy Jaqyp Asanov Qaruly Küşterdıŋ sudialarynyŋ qatysuymen jūmys tobyn qūrdy. Alaida, būl deŋgeide de biznes ekonomikanyŋ negızgı zaŋdarynyŋ qabyldanbauyna tap boldy.
Negızgı daular öte qiyn salyq bolyp sanalatyn qosymşa qūn salyǧyn jinau prosedurasyna qatysty boldy. Öitkenı ony qoldanu nesie bölıgın esepteu, salyq organdarymen qabyldanǧan nemese qabyldanbaǧan türlı qūjattardy ūsynumen bailanysty. Sondyqtan, deputat qosymşa qūn salyǧynan bas tartyp, salyq reformasyn jürgızudı ūsyndy.
«Mūndai reforma öndıruşılerge qoldau körsetıp, salyq saludy aitarlyqtai jeŋıldetedı jäne salyqtyq tekserulerdıŋ sybailas jemqorlyq äleuetın tömendetedı », - dedı A.Peruaşev.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz