«Aq jol» partııasy qosymsha qun salyǵynan bas tartýdy jáne salyq reformasyn júrgizýdi usynady - dep málimdedi Azat Perýashev bıylǵy 29 qarashada ótken Májilis otyrysynda.
Prezıdent Qasym-Jomart Toqaev óziniń Joldaýynda salyq júıesi boıynsha birqatar tapsyrmalar bergen bolatyn. Atap aıtqanda, Prezıdent 2023 jylǵa deıin 5% mólsherinde qosymsha zeınetaqy jarnalaryn engizýdi keıinge qaldyrý men Salyq kodeksinde kózdelmegen barlyq tólemderge tyıym salý arqyly jalaqy qoryna qysymdy tómendetýdi tapsyrdy.
Esterńizde bolsa, «Aq jol» partııasy Salyq organdarynyń banktik kartalardy fıksaldyq baqylaýǵa alý týraly bastamasyna qarsy shyǵyp, qoǵamda qyzý pikirtalas týyndaǵan bolatyn.
Sonymen qatar, A.Perýashevtiń aıtýynsha, depýtattarǵa kásipkerlerden kelip túsken ótinishter aǵymy kóbeıgen. Olar salyq organdary basqa bireýlerdiń alaıaqtyq is-áreketteriniń salyqtaryn tóleýge májbúrleıtinin aıtyp, shyǵamdanǵan. Nátıjesinde, júzdegen tabysty kompanııalar mıllıondaǵan qosymsha qun salyǵyn, korporatıvtik tabys salyǵyn, aıyppuldar men ósimaqylardy tólegendikten, júzdegen qyzmetkerlerimen birge joıylý qaýpine tap bolady.
«Salyq organdarynyń bızneske osyndaı talap qoıýy tańqalarlyq emes, óıtkeni, bul – olardyń mindeti. Al, sottardyń mundaı talaptardy qanaǵattandyratyny tań qaldyrady»,- dedi depýtat.
Azat Perýashev osy júıelik máselege oraı, «Aq jol» frakııasy men «Atameken» UKP-nyń úndeýinen keıin, osy jyldyń aqpan aıynda Joǵarǵy Sot tóraǵasy Jaqyp Asanov Qarýly Kúshterdiń sýdıalarynyń qatysýymen jumys tobyn qurdy. Alaıda, bul deńgeıde de bıznes ekonomıkanyń negizgi zańdarynyń qabyldanbaýyna tap boldy.
Negizgi daýlar óte qıyn salyq bolyp sanalatyn qosymsha qun salyǵyn jınaý proedýrasyna qatysty boldy. Óıtkeni ony qoldaný nesıe bóligin esepteý, salyq organdarymen qabyldanǵan nemese qabyldanbaǵan túrli qujattardy usynýmen baılanysty. Sondyqtan, depýtat qosymsha qun salyǵynan bas tartyp, salyq reformasyn júrgizýdi usyndy.
«Mundaı reforma óndirýshilerge qoldaý kórsetip, salyq salýdy aıtarlyqtaı jeńildetedi jáne salyqtyq tekserýlerdiń sybaılas jemqorlyq áleýetin tómendetedi », - dedi A.Perýashev.
