سيريادان «جۋسان» وپەراتسياسىمەن ورالعان ازاماتتاردى وڭالتۋعا قاتىستى ءتۇرلى پىكىرلەر ايتىلۋدا. وڭالتۋ جۇمىسىنان حابارى جوق كەيبىر ازاماتتار قانشا دەگەنمەن تەرىس ءدىني اعىمعا ەرىپ، سۇراپىل سوعىستى كورىپ، سيريادان ورالعانبدىقتان، ولاردىڭ ازاماتتاردىڭ بولاشاعىنا كۇمانمەن قارايدى. ءبىر قاراعاندا كۇنى ەرتەڭ قاتتى ءدىني ۇستانىمى قايتا ويانىپ، باياعى اۋەنىنە باسىپ، راديكالدى ارەكەتتەرگە بارۋى مۇمكىن دەگەن قاۋىپتىڭ قىلاڭ بەرەتىنى بەلگىلى. دەسە دە، مەملەكەت بۇل قادامعا باراردا جەتى ولشەپ، ءبىر كەسىپ، شەشىم شىعارعان ەدى.
ءبىز «جۋسان» وپەراتسيالارى ارقىلى ءوز بالالارىمىزدى قورعاپ قال الدىق. العاشقى 9 قاڭتاردا جۇزەگە اسقان"جۋسان-1" ارنايى وپەراتسياسى ناتيجەسىندە قازاقستاننىڭ 47 ازاماتى سيريادان ورالدى. ونىڭ 6 ەر ادام، 11 ايەل جانە 30 بالا ەدى. ال، 7 جانە 9 مامىر كۇندەرى "جۋسان-2" وپەراتسياسى اياسىندا سيريادان قازاقستاننىڭ 231 ازاماتى ەلگە جەتكىزىلدى. ولاردىڭ 159-ى – بالا. سوڭعى 28-31 مامىردا سيريادان قازاقستانعا 67 ايەل، 171 بالا جەتكىزىلدى. ياعني، سيريادان ورالعانداردىڭ جالپى سانى 516 ادام بولسا، سونىڭ 360 بالالار بولاتىن. بۇل بالالاردىڭ ءدىني راديكاليزمگە ەشقانداي قاتىسى جوق. ولار بەيكۇنا سانالادى. سول سەبەپتەن قازاقستان مەملەكەتى جۇزەگە اسىرعان «جۋسان» وپەراتسيالارى ءوزىن-ءوزى تولىق اقتاعان جوبا دەپ ايتا الامىز.
شقو ءدىن ماسەلەلەرىن زەرتتەۋ ورتالىعى تاپسىرىسى بويىنشا.
يساحان مۇقان بايمۇراتۇلى
ءدىنتانۋشىلار كونگرەسسى قوعامدىق بىرلەستىگىنڭ ساراپشىسى، فيلوسوفيا عىلىمدارىنىڭ دوكتورى، تەولوگ يسلامتانۋشى، قمدب جانىنداعى عۇلامالار كەڭەسىنىڭ مۇشەسى
