قازاعىمنىڭ قولونەر بۇيىمدارىنىڭ مانىندە اشىلماعان كوپ سىر جاتىر. سول ءبىر ونەردى اتادان بالاعا مۇرا ەتىپ كەلە جاتقان جەردىڭ ءبىرى «كوك شوقى» شەبەرلەر اۋىلى بولىپ ەسەپتەلىنەدى. ەلىمىزدە ءالى كۇنگە دەيىن ونەرىن جۇرت ەستىمەگەن ازاماتتارىمىز قانشاما؟ شەبەرلەر اۋىلى تۇرعىندارىنىڭ 80 پايىزى قولونەر بۇيىمدارىن دايارلاۋمەن اينالىسادى ەكەن.
جۋىردا قازۇاۋ -دىڭ، جۇسىپبەك ەلەبەكوۆ اتىنداعى ەسترادا جانە تسيرك كوللەدجىنىڭ، قازۇۋ-دىڭ ستۋدەنتتەرى «ادىرنا» ۇلتتىق-ەتنوگرافيالىق بىرلەستىگىنىڭ ۇيىمداستىرۋىمەن باس قوستى. ستۋدەنتتەرگە شەبەرلەر وزدەرىنىڭ شەبەرحانالارىن كورسەتىپ، ءوز قولونەرلەرىمەن تاڭىستىردى.
پا، شىركىن! شەبەرلەردىڭ قولدارىنان جاسالعان، ءاربىر ويۋ-ورنەگى اسەم بەزەندىرىلگەن زەرگەرلىك بۇيىمدار مەن ءارتۇرلى ماتەريالداردان جاسالعان ەر-تۇرماندار جانە اعاشتان ورنەكتەلگەن كەرەمەت دىبىس بەرەتىن سان قيلى مۋزىكالىق اسپاپتاردى كوزبەن كورىپ، تانىسقانعا نە جەتسىن؟ ولاردى ءوز قولىمىزبەن ۇستاپ، جاسالۋ تاريحىمەن تانىسۋداعى ەرەكشە سەزىمدى سوزبەن ايتىپ جەتكىزۋ قيىن. مۇنداي ماعىنالى ساپارلار اتا-داستۇرگە دەگەن ماحابباتتى مازداتا تۇسىرىندە شەك جوق. كوركەم قولونەرگە دەگەن قىزىعۋشىلىق ستۋدەنتتەردى قۋانىشقا بولەدى.
شەبەرلەردىڭ قولونەرگە دەگەن سۇيىسپەنشىلىگىن ايتىپ جەتكىزۋ مۇمكىن ەمەس. ول جەردەن ستۋدەنتتەر مۇحتار ناۋرىزباەۆ، سەكەن نۇرعاليەۆ، جۇلدىز بازارباەۆ، ەربول احمەتوۆ اتتى قولدارىنان بال تامعان شەبەرلەرمەن تانىسىپ، ءار بۇيىمنىڭ شەجىرەسىنەن حاباردار بولدى. مۇحتار ناۋرىزباەۆتىڭ ايتۋىنشا، قورقىت اتانىڭ قوبىزى جيدە اعاشىنان جاسالعان. ويتكەنى، قورقىت مەكەن ەتكەن سىر بويىندا جيدەدەن وزگە اعاش وسپەيدى ەكەن. وسى سىدى تاڭسىق دەرەكتەردىڭ ءوزى جاستاردىڭ بويىنا وراسان رۋح بەردى.
بۇل ساپار اتا-بابا ءداستۇرىن تانۋمەن قاتار، وقۋ ورىندار اراسىنداعى بايلانىستى نىعايتۋعا سەپ بولدى.
ايدانا جاقانتاەۆا،
قازۇاۋ-دىڭ ستۋدەنتى
