ءاز ناۋرىزدى تەك ءبىزدىڭ ەل ەمەس، باسقا دا تۇركى حالىقتارى تويلاپ، مەرەكەلەيدى. گريگوريان كۇنتىزبەسىنەن تىس تۇركى حالىقتارىنىڭ جاڭا جىلى 22 ناۋرىزدان باستاۋ الادى دەگەن تاريحي دەرەك بار.
ەلىمىز ەگەمەندىگىن العاننان بەرى ناۋرىز مەيرامىن تۇراقتى تويلاپ كەلەدى. بۇل مەيرامدا ناۋرىز كوجە جاسالىپ، باۋىرساق، ەت ءپىسىرىلىپ، كيىز ءۇي تىگىلىپ، التىباقان ورناتىلادى.
قىس كەتىپ، جەر كوگەرىپ، حالىق "ۇيقىدان تۇرعانداي" كۇيدە بولادى. كوڭىل-كۇي دە جاقسارىپ، مەرەكە سەزىلە باستايدى.
ناۋرىز مەيرامىنىڭ باستى تاعامى - كوجە. كوجە بىزدەن باسقا وزگە ەلدەردە دە دايىندالادى.
قىرعىزستان. قىرعىز ەلى دە «نوورۋز كيودجيو»، «اۋز كيودجيو»، «كاۆۋت» اتتى ۇلتتىق تاعامىن دايىنداپ، اۋلاعا شىعىپ، ۇلتتىق كيىمدەرىن كيىپ، مەرەكە-سايران قۇرادى. يران.
يراندىقتار ناۋرىز مەرەكەسىن بىرنەشە كۇن تويلايدى ەكەن. ولار اۋلاعا وت جاعىپ، وعان ماي قۇيادى. جەتى اق كەسەمەن ۇلتتىق كوجەسى "سۋمالاكتى" قوناقتارعا ۇسىنادى.
تۇركيا. تۇرىكتەر مەيرامعا 2 اپتاداي ۋاقىت قالعاندا بيداي ءوسىرىپ، "سۋمالياك" ۇلتتىق تاعامىن دايىندايدى.
يراندىقتار سەكىلدى ولار دا وت جاعادى. سول وتتان ادام 7 رەت اتتاپ سەكىرۋى كەرەك.
ءازىربايجان. بۇل حالىق مەيرام كۇنى داستارحانعا 7 تاعامنان جاسالاتىن كوجە دايىندايدى. ول سۋماح، سكەد ء(سۇت), سيركە (سىركە), سەمەني (بيدايدان جاسالعان بوتقا), سابزي ء(شوپ) جانە ت.ب. تاعامنان جاسالادى.
تۇرىكمەنستان. تۇركمەندەردىڭ داستارحانىندا مىندەتتى تۇردە 7 تاعامنان تۇراتىن كوجە بولادى. ولار: سيپاند (رۋتا ءدانى), سەب، (الما), سياحدانە (قارا دانەكتەر), ساندجيد (جابايى ءزايتۇن), سيركە (سىركە), سير (سارىمساق) جانە سابزي (بيداي).
ورتا ازيا. ورتا ازيا ەلدەرىندە ناۋرىزدا مىندەتتى تۇردە پالاۋ جاسالادى. جانە سۋمالياك پەن گۋدجا اتتى تاعام دا بولادى.
اۋعانستان. اۋعانستاندا اۋلەتتىڭ ايەلدەر قاۋىمى جينالىپ سۋمالياك دايىندايدى. كوجە دايىنداۋ باستاڭعىعا اينالىپ، اڭگىمە-دۇكەن، شاي ىشۋگە ۇلاسادى. سولاي ءتۇندى وتكەرىپ، تاڭەرتەڭ سۋمالياكتى تاراتادى. مىنە، شەت ەلدەردە دە ناۋرىز كوجە دايىنداۋدىڭ زور ماڭىزى بار ەكەنىن بىلدىك. ال ءسىز ناۋرىز كوجە دايىنداي الاسىز با؟ وعان قانداي تاعامدار پايدالاناسىز؟
سۋرەت: kerekinfo.kz, azattyq.org
