دەپۋتات ەربولات ساتىبالدين ەكىنشى دەڭگەيدەگى بانكتەرگە (ەدب) تۇرعىن ءۇي قۇرىلىس جيناق جۇيەسىنە قاتىسۋعا مۇمكىندىك بەرۋدى سۇرادى، دەپ حابارلايدى “ادىرنا”.
قازىرگى ۋاقىتتا بۇل قۇقىققا تەك وتباسى بانكى عانا يە ەكەنى بەلگىلى.
ول ۇزاق مەرزىمدى يپوتەكالىق قارجىلاندىرۋ نارىعىن قۇرۋ كەزىندە بجزق قاراجاتىن پايدالانۋ، سونداي-اق پايىزدىق مولشەرلەمەلەردى تومەندەتۋ جايىن دا قاراستىرۋ قاجەت دەپ سانايدى.
ءماجىلىس دەپۋتاتى بۇل رەتتە rent-to-buy (باسپانانى كەيىننەن ساتىپ الۋ قۇقىعىمەن جالعا الۋ) جۇيەسىن ەنگىزۋ يدەياسىن العا تارتادى.
"مىسالى،اي سايىنعى 200 مىڭ تەڭگە تولەمنىڭ 50 مىڭ تەڭگەسى جيناق رەتىندە ەسەپكە الىنادى. وسىلايشا، ءۇش جىل ىشىندە ازامات قاراجات جيناپ قانا قويماي، سونىمەن قاتار تولەم قابىلەتتىلىگىن دە راستايدى. بۇل جۇيە، اسىرەسە جاستارعا، جالعىزباستى انالارعا جانە الەۋمەتتىك وسال توپتاعى ازاماتتارعا قولايلى بولار ەدى", - دەپ اتاپ ءوتتى ساتىبالدين.
باسقا ۇسىنىستار اراسىنا، ماسەلەن "جىلدام يپوتەكا" تسيفرلىق جۇيەسى دە بار. اتاپ ايتقاندا، مەملەكەتتىك ورگاندار مەن ەدب اراسىندا دەرەكتەر الماسۋ تەتىگىن قۇرۋ، سونداي-اق اۆتوكرەديتتەۋگە ۇقساس تۇرعىن ءۇي قارىزدارىن راسىمدەۋ ءۇشىن ونلاين-پلاتفورمانى اينالىمعا ەنگىزۋ.
"سونداي-اق، مەملەكەتتىك باعدارلامالاردى باسپاناعا مۇقتاج ازاماتتارعا باعىتتاۋ قاجەت. سۋبسيديالار ەكىنشى نارىق پەن ينۆەستيتسيالىق ساتىپ الۋلاردان تىس تەك ءبىرىنشى تۇرعىن ءۇي نارىعىنان باسپانا ساتىپ الۋشىلارعا ۇسىنىلۋى كەرەك. جالپى، تۇرعىن ءۇي ساياساتى وڭىرلىك دامۋ باعدارلامالارىمەن تىعىز بايلانىستى بولۋى ءتيىس، سوندا بۇل كوشى-قون اعىندارىن تەڭەستىرۋگە جانە وڭىرلەردى كەشەندى دامىتۋعا مۇمكىندىك بەرەدى", - دەپ ءسوزىن تولىقتىرادى دەپۋتات.
