قىرعىزستان زەينەتاقى اقشاسىمەن يپوتەكانى جابۋعا رۇقسات بەردى

2232
Adyrna.kz Telegram
فوتو: kn.kz
فوتو: kn.kz

قىرعىزستان زەينەتاقى اقشاسىمەن يپوتەكانى جابۋعا رۇقسات ەتتى. مۇنداي شەشىمدى مينيسترلەر كابينەتى قابىلدادى، دەپ حابارلايدى “ادىرنا” ۇلتتىق پورتالى.

مۇنداي مۇمكىندىكتى پايدالانۋ ءۇشىن قوردا كەمىندە 50 مىڭ سوم (626 دوللار) بولۋى ءتيىس.

قىرعىزستان زەينەتاقى جۇيەسى بازالىق جانە جيناقتاۋ بولىكتەن قۇرالعان. اي سايىن جۇمىس ىستەيتىن ءاربىر قىرعىز ازاماتى جالاقىسىنىڭ 10 پايىزىن زەينەتاقى جارنا رەتىندە قۇيادى. 8 پايىزى قازىرگى زەينەتكەرلەردى قارجىلاندىراتىن مەملەكەتتىك قورعا تۇسەدى، 2 پايىزى مەملەكەتتىك جيناقتاۋ زەينەتاقى قورىنا بارادى، ول قاراجات ازاماتتىڭ وزىندە قالادى. مينيسترلەر كابينەتى قىرعىز ازاماتتارىنا وسى مەملەكەتتىك جيناقتاۋ زەينەتاقى قورىنا تۇسكەن قاراجاتتى پايدالانۋعا رۇقسات بەرىپ وتىر.

قىرعىزستاندا زەينەتاقى جۇيەسى 2010 جىلى ەنگىزىلگەن.

وسىعان دەيىن قازاقستان بيلىگى دە ازاماتتارعا زەينەتاقى اقشاسىن باسپانا جانە دەنساۋلىق ماسەلەسىن شەشۋگە پايدالانۋعا رۇقسات بەرگەن بولاتىن. الايدا وسى ساۋىردەن باستاپ ونىڭ تالاپتارى كۇشەيتىلگەن.

ادىرنا” ۇلتتىق پورتالى

پىكىرلەر