قازاقشا تازا سويلەيتىن قازاق ەلىندەگى ەتنيكالىق ورىس ۇلتىنىڭ وكىلى، ءماجىلىس دەپۋتاتى گەننادي شيپوۆسكيحتىڭ قازاق ايەلى جۇرتتىڭ سىنىنا قالدى. كوڭىلى كۇپتى كورەرمەننىڭ الاڭداۋىنا دا نەگىز بار سەكىلدى. سەبەبى، قازاعىم دەپ ءومىر سۇرگەن دەپۋتاتتىڭ ايەلى قازاقشا سويلەۋگە قىمسىنىپ، قۋىستاناتىن بولىپ شىقتى. قازاقشانى جەتىك بىلەتىن ورىس ۇلتىنىڭ ازاماتىمەن تۇرمىس قۇرعان قازاق قىزى كەرىسىنشە، ءوز تىلىنەن گورى وزگە تىلدە ءجيى سويلەۋدى ءجون دەپ تاپقان. بۇل تەك دەپۋتاتتىڭ ايەلىنە ءتان عانا جاعداي ەمەس، قازاق ەلىندە ءوسىپ-ونگەن، الايدا ۇلتتىق سالت-سانادان جۇرداي تالاي قازاققا ءتان، دەپ حابارلايدى "ادىرنا" ۇلتتىق پورتالى ەكسپرەسس ك-عا سىلتەمە كورسەتە وتىرىپ.
بۇعان دەيىن ءتىل ماسەلەسىن كوتەرىپ، جۇرتتىڭ سۇيىسپەنشىلىگىنە بولەنىپ جۇرگەن دەپۋتات گەننادي شيپوۆسكيحكە سوڭعى كەزدە ايەلى تۋرالى وقىرماندارى كوپتەگەن سۇراق قويا باستاعان. كوڭىلى كۇپتى كورەرمەننىڭ الاڭداۋىنا دا نەگىز بار سەكىلدى. سەبەبى، قازاعىم دەپ ءومىر سۇرگەن دەپۋتاتتىڭ ايەلى قازاقشا سويلەۋگە قىمسىنىپ، قۋىستاناتىن بولىپ شىقتى.
جەلى قولدانۋشىلارىن دەپۋتاتتىڭ جۇبايى نەلىكتەن ورىسشا سويلەيتىنى مازالاعان. بۇل ساۋالدارعا دەپۋتات جۇبايى ەكەۋى جاۋاپ بەرىپ، ونىڭ ۆيدەوسىن تىكتوك پاراقشاسىندا جاريالادى.
"كەيبىر وقىرماندارىم "نەگە التىناي (دەپۋتاتتىڭ جۇبايى: اۆتور) قازاقشا سويلەمەيدى؟", "جۇبايىڭىزدى قازاقشا ۇيرەتىڭىز" دەگەن سياقتى سۇراقتار قويادى. وسىعان بايلانىستى كىشىگىرىم تۇسىنىكتەمە بەرگىم كەلەدى. ءبىزدىڭ وتباسى قازاقستان حالقى اسسامبلەياسىنا ۇقسايدى دەسەك، ارتىق بولماس. نەگە دەسەڭىزدەر، ءوزىم ورىس بولا تۇرا ۇيدە نە سىرتتا بولسىن قازاقشا كوپ سويلەيمىن. ال التىناي قازاق بولا تۇرا، كەيدە وكىنىشتى-اق، ورىسشا كوبىرەك سويلەيدى", — دەدى گەننادي شيپوۆسكيح.
دەپۋتات بالا كۇنىنەن قازاقي ورتادا ءجۇرىپ، مەكتەپتى قازاق تىلىندە تامامداعانىن العا تارتتى. اينالاسىنداعى جانداردىڭ بارلىعى قازاق بولىپتى. ايەلى التىناي دا 1-سىنىپقا قازاق مەكتەبىنە بارعانىمەن، ورتاسى ورىس تىلدىلەر بولعان. سول ءۇشىن كوبىندە ورىسشا سويلەيدى ەكەن.
- قازاقشا جازا دا، سويلەي دە الامىن. قازاقتىڭ بارلىق سالت-ءداستۇرى مەن ىرىم-تىيىمدارىن جاقسى بىلەمىن. بىراق، ماعان ويىمدى ورىس تىلىندە جەتكىزۋ جەڭىل. ويتكەنى اينالام ورىس تىلدىلەر بولدى. سوندىقتان سول تىلدە سويلەيمىن، - دەدى دەپۋتاتتىڭ جۇبايى.
"ادىرنا" ۇلتتىق پورتالى
