Deputat Erbolat Satybaldin ekınşı deŋgeidegı bankterge (EDB) tūrǧyn üi qūrylys jinaq jüiesıne qatysuǧa mümkındık berudı sūrady, dep habarlaidy “Adyrna”.
Qazırgı uaqytta būl qūqyqqa tek Otbasy bankı ǧana ie ekenı belgılı.
Ol ūzaq merzımdı ipotekalyq qarjylandyru naryǧyn qūru kezınde BJZQ qarajatyn paidalanu, sondai-aq paiyzdyq mölşerlemelerdı tömendetu jaiyn da qarastyru qajet dep sanaidy.
Mäjılıs deputaty būl rette rent-to-buy (baspanany keiınnen satyp alu qūqyǧymen jalǧa alu) jüiesın engızu ideiasyn alǧa tartady.
"Mysaly,ai saiynǧy 200 myŋ teŋge tölemnıŋ 50 myŋ teŋgesı jinaq retınde esepke alynady. Osylaişa, üş jyl ışınde azamat qarajat jinap qana qoimai, sonymen qatar tölem qabılettılıgın de rastaidy. Būl jüie, äsırese jastarǧa, jalǧyzbasty analarǧa jäne äleumettık osal toptaǧy azamattarǧa qolaily bolar edı", - dep atap öttı Satybaldin.
Basqa ūsynystar arasyna, mäselen "jyldam ipoteka" sifrlyq jüiesı de bar. Atap aitqanda, memlekettık organdar men EDB arasynda derekter almasu tetıgın qūru, sondai-aq avtokreditteuge ūqsas tūrǧyn üi qaryzdaryn räsımdeu üşın onlain-platformany ainalymǧa engızu.
"Sondai-aq, memlekettık baǧdarlamalardy baspanaǧa mūqtaj azamattarǧa baǧyttau qajet. Subsidiialar ekınşı naryq pen investisiialyq satyp alulardan tys tek bırınşı tūrǧyn üi naryǧynan baspana satyp aluşylarǧa ūsynyluy kerek. Jalpy, tūrǧyn üi saiasaty Öŋırlık damu baǧdarlamalarymen tyǧyz bailanysty boluy tiıs, sonda būl köşı-qon aǧyndaryn teŋestıruge jäne öŋırlerdı keşendı damytuǧa mümkındık beredı", - dep sözın tolyqtyrady deputat.
