ۇلىنىڭ تويىنان اقىلى تۇردە ونلاين كورسەتىلىم جاساعالى جاتقان ءانشى ساكەن مايعازيەۆ ترانسلياتسيادان تۇسكەن قاراجاتتان سالىق تولەۋى كەرەك. بۇل تۋرالى مەملەكەتتىك كىرىستەر كوميتەتى قازاقپارات پورتالىنا بىلدىرگەن پىكىرىندە ايتتى، دەپ حابارلايدى “ادىرنا”
كوميتەت زاڭناماعا سايكەس، سالىق تولەۋشىنىڭ سالىقتار مەن بيۋدجەتكە مىندەتتى تولەمدەر بويىنشا سالىقتىق مىندەتتەمەلەرى ونىڭ زاڭدى نىسانىنا، قولدانىلاتىن سالىق سالۋ رەجيمىنە جانە سالىق سالۋ وبەكتىلەرىنىڭ بولۋىنا تىكەلەي بايلانىستى ەكەنىن اتاپ وتكەن.
“قاراستىرىلىپ وتىرعان جاعدايدا ونلاين-تويعا قاتىسۋ ءۇشىن 1380 تەڭگە كولەمىندە اقى الۋ تابىس تابۋعا باعىتتالعان كاسىپكەرلىك قىزمەت بولىپ سانالادى. ەگەر ءىس-شارانى ۇيىمداستىرۋشى جەكە كاسىپكەر نەمەسە زاڭدى تۇلعا رەتىندە تىركەلسە، الىنعان تابىستى دەكلاراتسيالاپ، قولدانىلاتىن سالىق سالۋ رەجيمىنە بايلانىستى جەكە تابىس سالىعىن تولەۋگە مىندەتتى”، − دەپ جازىلعان كوميتەتتىڭ اگەنتتىككە بەرگەن جاۋابىندا.
زاڭعا سايكەس، ۇيىمداستىرۋشى شاعىن بيزنەس سۋبەكتىلەرى ءۇشىن جەڭىلدەتىلگەن دەكلاراتسيا نەگىزىندە ارنايى سالىق رەجيمى قولدانىلعان جاعدايدا – 3%; جەكە كاسىپكەر ءۇشىن جالپىعا بىردەي بەلگىلەنگەن سالىق سالۋ رەجيمى بولسا – 10%; زاڭدى تۇلعا بولسا – 20% مولشەرىندە سالىق تولەۋى كەرەك.
بۇعان دەيىن ءارتىس ۇلىنىڭ تويىنان اقىلى تىكەلەي ترانسياتسيا ۇيىمداستىرىلاتىنىن، ونىڭ قۇنى 1380 تەڭگە بولاتىنىن حابارلاعان.
ۇقساس جاڭالىقتار
