بوكستان بىرنەشە رەت ۇزدىك ونەر كورسەتكەن باقىت سارسەكباەۆ پاريج وليمپياداسىندا سىنعا ءتۇسىپ جاتقان نۇربەك ورالبايعا ساتتىلىك تىلەپ، اعالىق اقىلىمەن ءبولىستى، دەپ حابارلايدى "ادىرنا" ۇلتتىق پورتالى.
بەيجىڭ وليمپياداسىنىڭ چەمپيونى باقىت سارسەباەۆ پاريجدە جارتىلاي فينالعا شىققان نۇربەك ورالبايعا جاقسى تىلەگىن جەتكىزدى.
"اعايىن، مىنا ءبىر نارسەنى ءتۇسىنۋمىز كەرەك. وليمپيادا ول اكەڭنىڭ ءتورى ەمەس، ەشكىم باسىڭنان سيپامايدى. وليمپياداعا سوعىسقا دايىندالعانداي دايىندالىپ، تاس ءتۇيىن بولىپ بارۋىڭ قاجەت. ءتورت جىلدا ءبىر كەلەتىن، تەك مىڭنان ءبىر سپورتشىنىڭ ومىرىندە كەزدەسەتىن دوداعا اركىم دە التىن الامىن دەپ بارادى. بۇل جەردە تەڭ دارەجەدە جەكپە-جەك كورسەتتىڭ بە، دەمەك مۇمكىندىك جوق. تەك قانا ايقىن باسىمدىلىق قاجەت. ءبىر ەمەس، ەكى باس جوعارى بولساڭ عانا جەڭىستى جۇلىپ الۋعا بولادى. ەندى ءۇمىت نۇربەك سەندە! بۇكىل قازاق تىلەۋىڭدى تىلەپ وتىر! بوكستىڭ ءتۇسىپ بارا جاتقان ابىرويىن كوتەرىپ، ءبارىمىزدى ءبىر سەرپىلتىپ تاستاشى!", - دەيدى باقىت سارسەكباەۆ.
