اتىراۋ وبلىسىندا اۋىر قىلمىس تىركەلدى. قىزىلقوعا اۋدانىندا 82 جاستاعى كەيۋانا پىشاق جاراقاتىنان كوز جۇمدى، دەپ حابارلايدى "ادىرنا" ۇلتتىق پورتالى كتك ارناسىنا سىلتەپ.
وقيعا ورنىنا كەلگەن جەدەل جاردەم قىزمەتى ەگدە جاستاعى ايەلدى امان الىپ قالا المادى. ايەل جاراقات سالدارىنان جاساقتاۋ بولىمىندە جان تاپسىرعان. قازىرگى تاڭدا، كۇدىكتى رەتىندە مارقۇمنىڭ 39 جاستاعى كەلىنى قاماۋعا الىندى. بەلگىلى بولعانداي، ايەل – كوپبالالى انا.
قىلمىس كەزىندە كۇدىكتىنىڭ كۇيەۋى، ياعني مارقۇمنىڭ ۇلى دا ءۇي ماڭىندا بولعان. الايدا وقيعانىڭ ناقتى سەبەپ-سالدارى ازىرگە بەلگىسىز.
اۋىل تۇرعىندارى وتباسىنىڭ تىنىش ءومىر سۇرگەنىن، بۇعان دەيىن جانجال مەن كيكىلجىڭ بايقالماعانىن ايتۋدا. كەلىننىڭ اقىل-ەسى ورنىندا، بۇرىن ەسەپتە تۇرماعان.
اتىراۋ وبلىستىق پوليتسيا دەپارتامەنتىنىڭ رەسمي وكىلى مەيىرىم ەرداۋلەتتىڭ مالىمدەۋىنشە، وقيعا بويىنشا قىلمىستىق ءىس قوزعالىپ، تەرگەۋ امالدارى باستالعان.
"1942 جىلعى كەيۋانانىڭ ولىمىنە قاتىستى قىلمىستىق ءىس تىركەلىپ، كەشەندى تەرگەۋ جۇرگىزىلىپ جاتىر. قىلمىسقا كۇدىكتى رەتىندە 1986 جىلى تۋعان ايەل قاماۋعا الىندى", – دەدى مەيىرىم ەرداۋلەت.قازىرگى ۋاقىتتا ساراپتامالار تاعايىندالىپ، كۇدىكتىنىڭ ارەكەتىنە قۇقىقتىق باعا بەرۋ جۇمىستارى ءجۇرىپ جاتىر.
ۇقساس جاڭالىقتار
