ىشكى ىستەر مينيسترلىگىنىڭ ورىنباسارى سانجار ءادىلوۆ اتىراۋ وبلىسىندا ەرلى-زايىپتىلاردى ءولتىرۋ ءىسى بويىنشا مالىمەت بەردى، دەپ حابارلايدى «ادىرنا» ءتىلشىسى.
ونىڭ ايتۋىنشا، كۇدىكتىلەر يندونەزيادا ۇستالعان.
«قازاقستان پوليتسياسى ينتەرپولمەن جانە يندونەزيا پوليتسياسىمەن بىرلەسىپ ۇلكەن جۇمىس اتقاردى. قازىرگى تاڭدا كۇدىكتىلەر يندونەزيادا ۇستالدى. جاقىن ارادا ولار قازاقستانعا جەتكىزىلەدى. كۇدىكتىلەردى ەلگە قايتارۋ جانە كەلتىرۋ ماسەلەسى قازىر شەشىلۋدە»، — دەدى ءادىلوۆ.
ول كۇدىكتىلەر قاتارىندا وتباسىنىڭ كىشى قىزى اقبايان مۇقانعاليەۆا دا بار ەكەنىن ايتتى.
«ەكى ادام ىزدەستىرىلىپ جاتىر. اتىراۋ وبلىسىندا ارنايى تەرگەۋ-وپەراتيۆتىك توپ جۇمىس ىستەپ جاتىر»،- ءمينيستردىڭ ورىنباسارى.
ەسكە سالايىق، 2025 جىلدىڭ 25 جەلتوقسانىندا اتىراۋ وبلىسى پوليتسياسى ءىس-ءتۇسسىز جوعالعان ءبىر وتباسىنىڭ 4 ادامىنا ىزدەۋ جاريالاعان بولاتىن. كەيىن پوليتسيا ولاردان بولەك وسى وتباسىنىڭ قىزى مەن كۇيەۋ بالاسى دا جوعالعانىن مالىمدەدى. ىزدەۋ جۇمىستارى بارىسىندا ەرلى-زايىپتى ماكسوت قارابالين مەن ءناسىپ وتەشقاليەۆا ءولى تابىلدى.
