استانادا لگبت بەلسەندىلەرى دايىنداعان زەرتتەۋدىڭ تۇساۋكەسەرىندە جانجال تۋدى. قاتىسۋشىلاردىڭ ايتۋىنشا، ترانسگەندەر اردج تۇرسىنحان قازاقستاندىقتارعا ءتىل تيگىزدى.
لگبت بەلسەندىسىنىڭ «مۇنداعىلار دوبويوبتار ەكەنىن كورىپ وتىرمىن» دەگەن ءسوزى جانجال تۋدىردى. اشىق پىكىرتالاس رەتىندە ويلاستىرىلعان كەزدەسۋ تەز ارادا داۋعا ۇلاستى. زەرتتەۋدى تىڭداۋعا كەلگەن قوعام وكىلدەرىنىڭ ءبىرى نارازىلىق ءبىلدىرىپ، ۇيىمداستىرۋشىلارعا مۇندايعا جول بەرۋگە بولمايتىنىن ايتتى.
الايدا لگبت بەلسەندىلەرى ودان ءىس-شارا ءوتىپ جاتقان زالدان كەتۋدى تالاپ ەتتى. بۇل وقيعا الەۋمەتتىك جەلىدە كەڭ تاراپ، اۋديتوريانىڭ نارازىلىعىن تۋدىردى. جەلى پايدالانۋشىلارى لگبت بەلسەندىلەرىنىڭ ءىس-ارەكەتىن تالقىلاپ، سىنعا الۋدا.
ەستەرىڭىزگە سالا كەتەيىك، جاقىندا عانا ءماجىلىس لگبت-نى ناسيحاتتاۋعا تىيىم سالۋ تۋرالى زاڭدى ماقۇلداعان بولاتىن. دەپۋتاتتاردىڭ ايتۋىنشا، زاڭ لگبت وكىلدەرىنىڭ قۇقىقتارىن شەكتەمەيدى. ول تەك بالالاردى زياندى يدەيالاردى ناسيحاتتاۋدان جانە جات قۇندىلىقتاردى تاڭۋدان قورعاۋعا باعىتتالعان.
ەندى زاڭ جوباسى پارلامەنت سەناتىندا قارالاتىن بولادى. لگبت بەلسەندىلەرى مۇنداي تىيىمدى قابىلداماۋدى تالاپ ەتىپ، دەپۋتاتتاردىڭ باستاماسىنا قارسى شىقتى.
