ءماجىلىس دەپۋتاتى امانجول ءالتاي قازاقستاندا «تۇلپار كۇنىن» بەكىتۋدى ۇسىندى، دەپ حابارلايدى «ادىرنا» ءتىلشىسى.
ايتۋىنشا، جاس ۇرپاق اراسىندا جىلقى مادەنيەتىن ناسيحاتتاۋ – ستراتەگيالىق ماڭىزى بار مىندەت.
«كوپتەگەن مەملەكەتتە جىلقىعا ارنالعان ۇلتتىق كۇندەر بار. قازاقستاندا دا «تۇلپار كۇنى» دەپ ارنايى داتانى بەكىتۋدى ۇسىنامىن»،—دەدى دەپۋتات.
سونداي-اق امانجول ءالتاي قازىرگى مەكتەپ باعدارلامالارىندا جىلقىنىڭ قازاق مادەنيەتىندەگى، تاريحىنداعى ورنى جۇيەلى تۇردە قامتىلماعانىن دا اتاپ ءوتتى.
«وسى ورايدا مەكتەپ باعدارلاماسىنا جىلقىنىڭ اناتومياسى، كۇتىمى، ەرەكشە قاسيەتتەرى جايلى ارنايى مودۋل ەنگىزۋ كەرەك»،—دەدى ول.
