4 قاراشادا وسكەمەن – ريددەر تاس جولىندا جانتۇرشىگەرلىك جول اپاتى بولىپ، بەس ادام قازا تاپتى. بۇل تۋرالى شقو پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
ءبىر ادام ءتۇرلى دەنە جاراقاتتارىمەن اۋرۋحاناعا جەتكىزىلگەن.
«وسكەمەن – ريددەر تاس جولىنىڭ 48-شاقىرىمىندا زيل جۇك كولىگى مەن Toyota Estima سوقتىعىستى. اتالعان دەرەك بويىنشا سوتقا دەيىنگى تەرگەۋ باستالدى. قازا تاپقانداردىڭ جەكە باسى مەن وقيعانىڭ بارلىق ءمان-جايى انىقتالۋدا»،—دەلىنگەن حابارلامادا.
شىعىس قازاقستان وبلىسى پوليتسيا دەپارتامەنتى جۇرگىزۋشىلەرگە جول قوزعالىسى ەرەجەلەرىن قاتاڭ ساقتاۋدى، جىلدامدىقتى رۇقسات ەتىلگەن شامادان اسىرماۋدى، اۋا رايى جاعدايلارىن جانە تەحنيكالىق قاۋىپسىزدىك تالاپتارىن ەسكەرۋ كەرەكتىگىن باسا ايتتى.
ۇقساس جاڭالىقتار
تاعى ءبىر اۆتوبۋس اپاتى. قاراعاندى وبلىسىندا وقىس وقيعادان ءۇش ادام قازا تاۋىپ، تورتەۋى زارداپ شەكتى
