Jaŋaözen qalasynda üş avtokölık qatysqan jol-kölık oqiǧasy tırkeldı. Onyŋ ekeuınde mektep bıtıruşı tülekter bolǧan, dep habarlaidy “Adyrna”.
Polisiianyŋ mälımetınşe, apat 23 mamyr künı tüsten keiın bolǧan.
Aldyn ala anyqtalǧan derekterge säikes, Toyota Hilux pikapynyŋ jürgızuşısı (mektep bıtıruşı emes) aldynda kele jatqan Land Cruiser 100 kölıgın basyp ozuǧa äreket jasaǧan. Alaida manevr sätsız bolyp, pikap jol jiegıne şyǧyp ketıp, Land Cruiser 100 kölıgımen soqtyǧysqan. Öz kezegınde Land Cruiser 100 inersiiamen Lexus LX 450 kölıgıne soǧylǧan. Saldarynan Toyota Hilux trassadan şyǧyp kettı.
Apattan eşkım zardap şekken joq.
Toyota Hilux jürgızuşısıne QR Äkımşılık qūqyq būzuşylyq turaly kodeksınıŋ 610-baby boiynşa hattama toltyryldy (Jol jürısı erejelerın būzyp, kölık qūraldaryna nemese özge de mülıkke ziian keltıru ne adam densaulyǧyna zaqym keltıru). Būl bap boiynşa 20 ailyq eseptık körsetkış (78 640 teŋge) kölemınde aiyppūl salu nemese 6 aiǧa deiın kölık jürgızu qūqyǧynan aiyru jazasy qarastyrylǧan.
Kölık arnaiy aiyptūraqqa qoiyldy.
Lexus LX 450 avtokölıgınde mektep bıtıruşı tülekter otyrǧany anyqtaldy. Būl aqparatty Maŋǧystau oblysynyŋ bılım basqarmasy da rastady.
Ūqsas jaŋalyqtar
