الماتى-وسكەمەن تاس جولىنىڭ بويىنشا Changan كولىگىنىڭ جۇرگىزۋشىسى رۋلگە يە بولا الماي، جۇك كولىگىنىڭ ارتىنا سوعىلعان، دەپ حابارلايدى "ادىرنا".
وبلىستىق پوليتسيا دەپارتامەنتىنىڭ مالىمەتىنشە، الماتى — وسكەمەن اۆتوجولىنىڭ 94-شاقىرىمىندا جول اپاتى بولعان. Changan ماركالى اۆتوكولىكتىڭ جۇرگىزۋشىسى رولگە يە بولا الماي، جۇك كولىگىنىڭ ارتىنا سوعىلعان. ودان كەيىن كولىك جول قورشاۋىنا تۇيىسكەن. ال Toyota Estima جۇرگىزۋشىسى Changan اۆتوكولىگىنە سوقتىعىسقان.
سونداي-اق سوققى سالدارىنان Changan اۆتوكولىگىنىڭ قوزعالتقىشى جولدىڭ قارسى باعىتىنا ۇشىپ، Ford Focus اۆتوكولىگىنە تيگەن.
"جول-كولىك وقيعاسى سالدارىنان Changan كولىگىنىڭ جولاۋشىلارى وقيعا ورنىندا كوز جۇمدى. اتالعان كولىكتىڭ جۇرگىزۋشىسى مەن Toyota Estima جۇرگىزۋشىسى ءارتۇرلى جاراقاتتارمەن مەديتسينالىق مەكەمەگە جەتكىزىلدى", - دەپ حابارلادى دەپارتامەنت.
